1 Juan 5:13 - Kashibo-Kakataibo Biblia

¹³ Aín Bëchicëmi catamëcë ꞌaish camina ainan ꞌaish Nucën Papa Diosbë xënibua ꞌaínbi ꞌiti ꞌai quixunmi ꞌunánun cana ënë ñucama mitsu cuënëoxunin.

Nukën 'Ibu Diosan ain unikama 'inan ain bana

¹³ Aín Bëchicëmi catamëcë 'aish camina ainan 'aish Nucën Papa Diosbë xënibua 'aínbi 'iti 'ai quixunmi 'unánun cana ënë ñucama mitsu cuënëoxunin.

1 Juan 5:13 Iomraidhean Croise

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 21:24

ꞌËx Jesusan ꞌunánmicë uni achúshi ꞌixun cana ënë ñu camabi ñuiquin cuënëon. ꞌËn cuënëocë banacama ënëx ca asérabi ꞌicë quixun cananuna ꞌunanin.

Juan 3:18

Aín Bëchicëmia catamëcë uni ax ca Nucën Papa Diosan ꞌuchocë ꞌima. Usa ꞌaínbi ca axa ami catamëcëma uni ax aín Bëchicë achúshi ami catamëcëma cupí Nucën Papa Diosan aín ꞌucha cupí castícantishi ꞌicën.

Juan 5:24

Asérabi cana ꞌën mitsu cain, axa ꞌën bana cuati an ꞌë xuá ami sináncë uni, ax ca ainan ꞌaish nëtë́timoi Nucën Papa Diosnan ꞌia. A cupía Nucën Papa Diosnan ꞌitima ꞌicëbi aín ꞌuchacama tërë́ncë cupí ꞌuchañuma ꞌaish ca bamatancëxbi nëtë́timoi Nucën Papa Diosbë ꞌiti ꞌicën.

Hechos 3:16

Usa ꞌain ca nux asérabi ami sináncë ꞌixun —Jesusan ca ënë uni pëxcuti ꞌicë —quixunu nun sináncëbë, mitsúnmi a iscë ꞌixun ꞌunáncë uni ënëx upiti pëxcúaxa. Jesucristonëan pëxcutisa tancëbëtan nun ꞌaquincëx ca upitiira pëxcúaxa quixun camina iscanti ꞌain.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

2 Corintios 5:1

Cananuna ꞌunanin, bëráma unin ꞌá ꞌaísha xubu chëquicësaribiti ca nun nami anu nun bëru ñunshin ꞌicë ax ꞌia. Usaía nun nami ꞌiti ꞌaínbi ca Nucën Papa Diosan chëquitimoínu anu abë ꞌiti a aín nëtënu nu mëníoxuanxa. Ax ca unían ꞌacëma ꞌicën.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

1 Pedro 5:12

Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.

1 Juan 1:4

Upí oquin sinanimi chuámaishirua tani cuëënun cananuna ënë banacama ësoquin mitsu cuënëoxunin.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 2:21

Mitsúnmi Cristonan ꞌixun ax cuëëncësabi oi ꞌiti ꞌunáncëma cupí cana mitsu caiman. Mitsúnmi a ñucama ꞌunáncë cupí cana mitsu ënë quirica cuënëoxunin. Camina ꞌunanin, Cristonan ꞌixun ax cuëëncësabi oi ꞌiti ꞌunáncë uni ax ca cëmëtima ꞌicën.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.

1 Juan 2:26

An mitsu parántisa tancë unicama ñuiquin cana ënë banacama mitsu cuënëoxuan.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

1 Juan 4:9

Nucën Papa Diosan ca aratsuishi ꞌicëbi aín Bëchicë ënë menu uni ꞌinun xuacëxa, a cupínu nux ainan ꞌaish nëtë́timoi abë ꞌinun. Usoquian ꞌá ꞌain cananuna ꞌunanin, uisaira oquin cara Nucën Papa Diosan camabi uni nuibatia quixun.

1 Juan 5:10

Axa aín Bëchicëmi catamëcë uni, an ca Nucën Papa Diosan ꞌunánmicëxun asérabi ꞌunania, Jesucristo ax ca asérabi aín Bëchicë ꞌicë quixun. Usa ꞌaínbi ca an Nucën Papa Diosan bana ca asérabi ꞌicë quixun sináncëma uni, ax —Nucën Papa Dios ca cëmë ꞌicë —quicësa ꞌicën, an aín Bëchicë ñui quicë bana ca asérabima ꞌicë quixun sináncë cupí.

1 Juan 5:11

Nucën Papa Dios ca quiacëxa, aín Bëchicëmi catamëcë cupí cananuna an ꞌimicëx ainan ꞌaish xënibua ꞌaínbi abë ꞌiti ꞌai quiax.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.