1 Juan 4:17 - Kashibo-Kakataibo Biblia

¹⁷ Usa ꞌixun cananuna an nu nuibaquin sinánmicë ꞌixun ax cuëëncësa oquin Nucën Papa Diosmi upiti sinánan unicama nuibatin. Usa ꞌaish cananuna nux ënë nëtënuax asaribi ꞌaish, anuan Jesucristo utëcënti nëtën nux masá nuituti rabíntima ꞌain.

Nukën 'Ibu Diosan ain unikama 'inan ain bana

¹⁷ Usa 'ixun cananuna an nu nuibaquin sinánmicë 'ixun ax cuëëncësa oquin Nucën Papa Diosmi upiti sinánan unicama nuibatin. Usa 'aish cananuna nux ënë nëtënuax asaribi 'aish, anuan Jesucristo utëcënti nëtën nux masá nuituti rabíntima 'ain.

1 Juan 4:17 Iomraidhean Croise

Mateo 10:15

Asérabi cana ꞌën mitsu cain, Sodoma ëmanu ꞌicë unicama ꞌimainun Gomorra ëmanu ꞌicë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca an a ëmanu ꞌicë unicama mitsu bicëma cupí ax ꞌiti ꞌicën.

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Mateo 11:22

Usa ꞌain cana mitsu cain, anúan an camabi uni aín ñu ꞌacë isti nëtën ca Tiro ꞌimainun Sidónu ꞌicë unicama ꞌacësamaira oquin Nucën Papa Diosan mitsu ꞌuchoquin castícanti ꞌicën.

Mateo 11:24

Usa ꞌain ca anúan camabi uni aín ñu ꞌacë isti nëtën Sodomanu ꞌicë unicama ꞌásamaira oquin Nucën Papa Diosan mitsu ꞌuchoti ꞌicën. ꞌUchoquin ca a ëmanu ꞌicë unicama ꞌacësamaira oquin mitsu ꞌati ꞌicën.

Mateo 12:36

ꞌËn cana mitsu cain, anúan an camabi unin ꞌacë ñucama isti nëtën ca Nucën Papa Diosan uisai cara banaxa quixun ꞌunánan uisa banan cara sinanima ꞌatimati banaxa quixun camabi uni ꞌunánti ꞌicën.

Juan 15:20

ꞌËn ësaquin mitsu cacë a camina sináncanti ꞌain, “an uni ñu mëëxuncë uni an ca an a ñu mëëmicë uni inuíma”. ꞌËmi pain nishquin ca unin ꞌë bëtsi bëtsi oia. Usaribi oquin ca ꞌënan cupí mitsu unin bëtsi bëtsi oti ꞌicën. Usa ꞌaínbi ca uni raírinën ꞌën bana cuati ꞌicën. Usaribi oquin ca ꞌënan cupí uni raírinën mitsun bana cuati ꞌicën.

Juan 17:22

Nux cananuna rabë́ ꞌaíshbi achúshishi ꞌain. Usaribitia atux ꞌitsa ꞌaíshbi achúshisaishi ꞌinun cana ꞌëx misaribi ꞌixun atúxribia ꞌësaribi ꞌinun ꞌimian.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

Hebreos 9:27

Ënë nëtënu ꞌicë camabi unix ca achúshitishi bamati ꞌicën. Usa ꞌicë ca aín ñu ꞌacëcama ꞌunánquin Nucën Papa Diosan uicamax cara aín nëtënu abë ꞌiti ꞌicë quixun canan uicamax cara anu abë ꞌitima ꞌicë quixun cati ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Santiago 2:22

Nucën Papa Diosan a cacësabi oquin Abrahamnën ꞌá cupí camina ꞌunanin, Abrahamnëx ca asérabi Nucën Papa Diosmi catamëcë ꞌiacëxa quixun. Usa ꞌixun an cacësabi oquin ꞌacë ꞌaish ca Abraham asérabi ax ꞌicësamaira oi Nucën Papa Diosmi sináncëxa.

2 Pedro 2:9

A unicama atun ꞌucha cupí Nucën ꞌIbu Diosan ꞌatimocëbëbia Noé ꞌiásaribiti Lot ië́a, a sinánquin cananuna ꞌunánti ꞌain, Nucën ꞌIbu Diosan ca axa ami catamëti ax quicësabi oi ꞌicë unicama, uisa ñu cara ꞌicëbëtanbi ië́miti ꞌicë quixun. Usonan ca an ñu ꞌatima ꞌacë unicama ië́miquinma, anúan an camabi uni isti nëtë utámainun tëmëranun ënti ꞌicën.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

1 Juan 2:5

Usa ꞌaínbi ca an aín bana quicësabi oquin ꞌacë uni ax ëníma upiti Nucën Papa Diosmi sinania. Usa ꞌixun cananuna ꞌunanin, nux cananuna asérabi ainan ꞌai quixun.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 3:3

Uicaman cara —asaribi cana ꞌiti ꞌai —quixun sinania, a unicamax ca Jesucristosaribi ꞌiti cupí, aín ꞌuchacama ëni upí ꞌia.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.