Biblia Todo Logo
Bìoball air-loidhne

- Sanasan -




1 Juan 4:14 - Kashibo-Kakataibo Biblia

14 Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

Faic an caibideil Dèan lethbhreac

Nukën 'Ibu Diosan ain unikama 'inan ain bana

14 Nunbi cananuna, an atun 'ucha tërë́nquin ënë menu 'icë unicama ainan 'inun ië́minuan Nucën Papa Diosan xuá, aín Bëchicë a isacën. Isá 'ixun cananuna a ñuiquin mitsu cain.

Faic an caibideil Dèan lethbhreac




1 Juan 4:14
18 Iomraidhean Croise  

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.


Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.


¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?


Uinu ꞌicë unin cara ꞌën bana cuaquinbi ꞌëx quicësabi oquin ꞌaima, a uni cana ꞌën ꞌuchoiman. ꞌËx cana ënë nëtënu ꞌicë uni ꞌuchoi uáma ꞌain. Atúxa Nucën Papa Diosnan ꞌinux ië́nun cana uacën.


Asérabi cana mi cain, nun ꞌunáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi ꞌicë quixun sinaniman.


An ca an iscë ñucama ñuianan, an cuacë banacamaribi ñuia, ñuiabi ca uinu ꞌicë unínbi aín bana ca asérabi ꞌicë quixun sinanima.


Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.


Usai ꞌiquin ca a unicaman a xanu cacëxa: —Minmi nu cacëxun cuaxunbi cananuna bërí nunbi aín bana cuaquin ꞌunanin, asérabi ca ax Cristo, an camabi menu ꞌicë uni Nucën Papa Diosnan ꞌinun ië́miti, a ꞌicë quixun.


Uisari caramina ainan ꞌaish xënibua ꞌaínbi abë ꞌiti ꞌai quixun ꞌunánuxun camina Nucën Papa Diosan bana cuënëo upí oquin isin. Usa ꞌaínbi ca a bana ꞌë ñuia quicë ꞌicën.


Usa ꞌain ca Timoteobëa Silas Macedonianuax Corintonu bëban Pablonën bëtsi ñu mëëti ꞌaquinma Jesús ñui quicë banaishi ñuixuancëxa. Ñuixuanan ca judíos unicama, Jesús ax ca asérabi Cristo axa utia atun caíncë a ꞌicë quixun upí oquin ñuixuancëxa.


Nucën xucën Silvano, ax ca ꞌën iscëx upiti Jesucristomi sináncë ꞌicën. Usa ꞌain cana an mitsu buánxunun ënë quirica mitsu ꞌaxuan. Ënë quiricanu ꞌësë́anan cana mitsu cain, an mitsu upí oquin cushionan ꞌaquincë cupí camina asérabi ꞌunánti ꞌain, uisaira oquin cara Nucën Papa Diosan mitsu nuibatia quixun. A ënima camina mixmi ꞌicësabi oi ami upiti catamëti ꞌain.


Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.


Unin bana cuananbi cananuna aín Bëchicë Jesucristo ñuia, axira unin banabë sënë́nma ꞌaish Nucën Papa Dios quiá bana aira cuati ꞌain. Ënëx ca aín Bëchicë ñui Nucën Papa Dios quiá bana a ꞌicën.


Lean sinn:

Sanasan


Sanasan