1 Juan 4:1 - Kashibo-Kakataibo Biblia

¹ ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.

Nukën 'Ibu Diosan ain unikama 'inan ain bana

¹ 'Ën nuibacë xucë́antu, ënë nëtënuxun ca 'itsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa 'ain camina —Nucën Papa Diosan ca 'ë sinánmia —quiquian unin ñuicë bana acamaira cuatima 'ain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati 'ain.

1 Juan 4:1 Iomraidhean Croise

Jeremías 14:14

Ësokin kakëxunbi ka Nukën ꞌIbu Diosan ꞌë kakëxa: Asabi ka usaika ꞌën anë ñui ꞌën kakëxmabi, an bana ñuikë unikama këmëi kia. ꞌËn kana usakian ñu ꞌanun a unikama kaiskëma ꞌain, ꞌimainun kana uisa banabi kakëma ꞌain. Akamax ka ꞌën usakin anun namákësokin ismikëxumabi këmëkinshi ꞌanan atúnbi usakin ꞌati sinanx kikë ꞌikën. Ësai ka ënë ñukama ñui an bana ñuikë unikamax kia.

Jeremías 23:16

Nukën ꞌIbu kamabi kushiñu ax ka ësai kiaxa: “Israel unikama mitsun kamina, an këmëkinshi uni ꞌën bana ñuixunkë unikama ax kikë a kamina kuatima ꞌain. Atúxa kikë ax atúnbi sinanx këmëishi, usai ka ꞌiti ꞌikë kiax kikë ꞌikën, ꞌën kana usai karamina kiti ꞌai kixun atu kakëma ꞌain.

Marcos 13:21

Anúan usoquin unicaman tëmërati nëtë ucëbëtan unin mitsu —ca is, ënu ca Cristo ꞌicë —quixun canan —ca is, unu ca Cristo ꞌicë —quixun cacëxunbi camina —asérabi ca —quixun sinántima ꞌain.

Lucas 12:57

Ësaquinribi ca Jesusan cacëxa: —¿Uisacatsi caramina bëtsibë upí ꞌinux mitsúxbi mëníonaniman?

Lucas 21:8

Usaquin ñucácëxun ca Jesusan anun ax utëcënti nëtë ñuixunquin ësaquin cacëxa: —ꞌItsa unix ca: ꞌËx cana Cristo ꞌai, quianan: Jesús utëcë́nti nëtë ca uaxa quiax quiti ꞌicën. Usai quiquian mitsu paránti rabanan camina bërúancati ꞌain. Aín banax ca asérabi ꞌicë quixun camina sinántima ꞌain.

Hechos 17:11

Atsínxuan bana ñuixuncëbëtan ca anua ꞌicë judíos unicaman, Tesalónica ëmanua ꞌicëcamasamaira ꞌixun, cuëënquin Pablonëan Jesús ñuiquin Nucën Papa Diosan bana ñuixunia cuacëxa. Cuaquin ca asérabi cara Pablonëan ñuixuncë bana ax ꞌicë quixun ꞌunáncasquin camabi nëtën Nucën Papa Diosan bana cuënëo isacëxa.

Hechos 20:29

ꞌËn cana ꞌunanin, ꞌëx cuancëbë ca uni raíri uti ꞌicën. Uxun ca axa ami sináncë unicama, Jesucristomi catamëti bana a ënun quixun paránti ꞌicën. ꞌInúanëan bëtsi biquin carnero tsuácacësaribi oquin ca a unin axa ami sináncë unicama Jesús manunun quixun parántisa tanti ꞌicën.

1 Corintios 12:10

Aín Bëru Ñunshin Upitan ꞌamicëxun ca bëtsi bëtsi unin, uni itsían ꞌacëma ñu ꞌaia. An sinánmicëxun ca bëtsi bëtsi unin Nucën Papa Diosan sinánmicësabi oquin aín bana unicama ñuixunia. An ꞌimicëxun ca bëtsi bëtsi unin, uni itsían bana ñuia cuaquin, asérabi cara Nucën Papa Diosan sinánmicëxun bana ñuia quixun ꞌunania. An sinánmicëx ca bëtsi bëtsi unix Nucën Papa Dios rabi, uni itsían cuacëma bana banaia. Banacëbëtan ca Nucën Papa Diosan aín Bëru Ñunshin Upitan sinánmicëxuan bëtsi unin uisai quicë cara a bana ꞌicë quixun uni ñuixunun ꞌunánmia.

1 Corintios 14:29

Usaribi oquin camina Nucën Papa Diosan sinánmicëxun aín bana ñuixuinsa tanquin rabë́xuinshi unicama ñuixunti ꞌain. Ñuixuanan camina rabë́ ꞌimainun achúshixuinshi ñuixunti ꞌain. Ñuixunia camina raírinën —a unin banax cara asérabi Nucën Papa Diosan sinánmicëxa quicë ꞌicë —quixun cuati ꞌain.

1 Tesalonicenses 5:20

Nucën Papa Diosan sinánmicëxuan unin ñuixuncëxun camina a bana cuaisama tantima ꞌain.

1 Tesalonicenses 5:21

Unían bana ñuixuncëxun camina, Nucën Papa Diosan sinánmicëx cara quia quixun pain cuati ꞌain. Cuacë́xa usa ꞌicë camina aín bana upí oquin cuati ꞌain.

2 Tesalonicenses 2:2

Aín uti nëtë ñuiquin ca unin —Nucën Papa Diosan ꞌunánmicëxun cana ꞌunanin, anúan Jesucristo uti nëtë ca uaxa —quixun mitsu cati ꞌicën. Camainun ca raírinënribi —aín uti nëtë ca asérabi sënënia —quixun bana ñuixunquin mitsu cati ꞌicën. Raírinënribishi ca —Pablonën ca nu, anúan Nucën ꞌIbu Jesucristo uti nëtë ca sënënia quixun quirica bëmiaxa —quixun mitsu cati ꞌicën. Usaquian cacëxbi camina bënëti ratuti sináncasmatima ꞌain.

1 Timoteo 4:1

Nucën Papa Diosan Bëru Ñunshin Upitan ca nu upí oquin ꞌunánun ꞌunánmia, Jesucristo utëcënti nëtë ꞌurama ꞌain ca ñunshin ꞌatima, an uni paráncë, acaman sinananmicëxun, uni raírinën ꞌatima ñu ꞌaquin Jesucristomi catamëti ënti ꞌicë quixun.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

2 Pedro 2:1

Usa ꞌaínbi ca ꞌiacëxa, uni raíri, an —Nucën Papa Dios ca usai quia —quixun cëmëquin anbi sináncë bana nucën raracama ñuixuncë. Usaribiti ca an mitsu bana ñuixunti uni cëmëquin parani mitsubë ꞌiti ꞌicën. Atúnbi sinánxun ca Nucën Papa Diosan banamabi ꞌatima bana ñuixunquin, Nucën ꞌIbu Jesucristo ami catamëtia uni Nucën Papa Diosnan ꞌiti, ami catamëaxma ꞌinun quixun ñuixunquin uni sinanamiti ꞌicën. Usaquin ꞌacë ꞌaish ca a unicamax bënëtishi cëñúti ꞌicën.

1 Juan 2:18

ꞌËn bëchicësa ꞌicë, cana mitsu cain, anúan ënë mecama cëñúti nëtë ca ꞌurama ꞌicën. A nëtëa ucëma pan ꞌain ca axa Cristo ꞌatimaquin ñui banacë uni uti ꞌicë quixun camina cuan. Ca uti ꞌicë ꞌaínbi ca bëríbi ꞌitsa unin Cristo ꞌatimaquin ñuia. Usa ꞌain cananuna ꞌunanin, anúan ënë mecama cëñúti nëtë ca ꞌurama ꞌicë quixun.

1 Juan 2:7

ꞌËn xucë́antu, mitsun ꞌunáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.

2 Juan 1:7

ꞌItsa unin ca camabi menu cuanquin uni paránquin —Nucën Papa Diosan Bëchicë ca uni ꞌinux uacëxa —quixun caquinma, bëtsi bana ñuiquin uni parania. Usa unix ca an uni paráncë ꞌianan an ꞌatimaquinra Cristo ñuicë uni a ꞌicën.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.

Apocalipsis 2:2

Mitsúnmi ñu ꞌacëcama cana ꞌunanin, chiquíshquinma camina ñu upí ꞌain. Uisa ñu cara ꞌicëbëtanbi camina ꞌëmi sinánti ëncëma ꞌain. An ñu ꞌaisama ꞌacë unicama timaquin camina an ꞌacësaribi oquin ꞌaiman. Usai ꞌiquin camina uni raíri axa —ꞌë ca Nucën Papa Diosan aín bana unicama ñuixunun ꞌimia —quicë, ax cara asérabia Nucën Papa Diosan usoquin ꞌimicë ꞌicë quixun ꞌunánuxun isquinbi camina atúxbia cëmëi quia isan.