1 Juan 3:6 - Kashibo-Kakataibo Biblia

⁶ Usa ꞌain ca uix cara ainan ꞌaísha, a ëníma abë ꞌicëa Nucën Papa Diosan sinánmicë ꞌicë, a unin ñu ꞌatima amiribi amiribi ꞌaima. An ñu ꞌatima amiribi amiribi ꞌacë uni ax ca ami catamëcëma ꞌianan uisa cara ax ꞌicë quixun Jesucristo ꞌunáncëma ꞌicën.

Nukën 'Ibu Diosan ain unikama 'inan ain bana

⁶ Usa 'ain ca uix cara ainan 'aísha, a ëníma abë 'icëa Nucën Papa Diosan sinánmicë 'icë, a unin ñu 'atima amiribi amiribi 'aima. An ñu 'atima amiribi amiribi 'acë uni ax ca ami catamëcëma 'ianan uisa cara ax 'icë quixun Jesucristo 'unáncëma 'icën.

1 Juan 3:6 Iomraidhean Croise

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

1 Juan 2:3

Aín bana quicësabi oquin ꞌacë ꞌixun cananuna ꞌunanin, nux cananuna asérabi ainan ꞌaish a ꞌunáncë ꞌai quixun.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

1 Juan 3:9

Uix cara asérabi Nucën Papa Diosan bëchicë ꞌicë, an ca ñu ꞌatima ꞌati sinanima. An ꞌacësaribi oquin sinánun Nucën Papa Diosan ꞌimicë ꞌixun ca aín bëchicëcaman ñu ꞌatima ꞌati sinanima. Usa ꞌixun ca ꞌuchatëcënti sinanima.

1 Juan 4:8

Nucën Papa Dios ax ca an unicama nuibairacë a ꞌicën. Usa ꞌain ca an bëtsi uni nuibacëma uni ax Nucën Papa Dios ꞌunáncëma ꞌicën.

1 Juan 5:18

Cananuna ꞌunanin, asérabi Nucën Papa Diosan bëchicë ꞌaish ca uni amiribi amiribi ꞌuchaima. Usa ꞌicëa Nucën Papa Diosan Bëchicë Jesucristonën bërúanquin ꞌaquinia ca ñunshin ꞌatimanën uisabi oima.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.