1 Juan 3:3 - Kashibo-Kakataibo Biblia

³ Uicaman cara —asaribi cana ꞌiti ꞌai —quixun sinania, a unicamax ca Jesucristosaribi ꞌiti cupí, aín ꞌuchacama ëni upí ꞌia.

Nukën 'Ibu Diosan ain unikama 'inan ain bana

³ Uicaman cara —asaribi cana 'iti 'ai —quixun sinania, a unicamax ca Jesucristosaribi 'iti cupí, aín 'uchacama ëni upí 'ia.

1 Juan 3:3 Iomraidhean Croise

2 Samuel 22:27

Dios min kamina uin kara këmëi banakinma mix kikësokin ꞌaia ashi ꞌakianan uix kara këmëirai banaia a bëtsiokin nanin.

Mateo 5:48

Usa ꞌain camina mitsun Papa Dios, axa naínu ꞌicë, an sináncësaribi oquin sinánti ꞌain.

Lucas 6:36

Nucën Papa Diosan unicama ꞌaquinsa tanquin nuibacësaribi oquin camina mitsúnribi unicama mitsua nuibacëxunmabi nuibati ꞌain.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Romanos 15:12

Nucën Papa Diosan bana Isaíasnënribi cuënëo ca ësai quia: Davitan papa, Isaí cacë, aín rëbúnquin achúshi uax ca ꞌApu ꞌaish judíosma unibunën ꞌApuribi ꞌiti ꞌicën. An ca nu ꞌaquinti ꞌicë quixun sinani ca judíosma unibunëx ami catamëti ꞌicën.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Colosenses 1:5

Nucën Papa Diosan mëníosabi oi aín nëtënu abë ꞌiti sinani camina usai ꞌicanin. Jesucristomi catamëti aín ꞌuchacama tërë́ncë ꞌaish ca uni ainan ꞌaish xënibua ꞌaínbi Nucën Papa Diosbë ꞌiti ꞌicë quixuan aín unin mitsu ñuixuncëxun camina a bana cuaquin upí oquin ꞌunáncan.

2 Tesalonicenses 2:16

Usa ꞌain cana Nucën ꞌIbu Jesucristo ꞌimainun Nucën Papa Dios an nuibaquin nux chuámashi tani cuëënun ꞌimianan xënibua ꞌaínbi abë ꞌinun nu ꞌimicë,

Tito 3:7

Usa ꞌixun cananuna anbia nuibaquin nu ꞌaquinquin upí ꞌimicë cupí, abënu xënibua ꞌaínbi tsóti, a caínti ꞌain.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Pedro 1:15

Nucën Papa Dios, an mitsu ainan ꞌinun Jesucristomi sinánmia, ax ca uisa ꞌuchañumabi ꞌicën. Usa ꞌain camina mitsúnribi añu ꞌuchabi ꞌatima ꞌain.

1 Pedro 1:3

Nucën Papa Dios, ax Nucën ꞌIbu Jesucristonën Dios ꞌianan aín Paparibi, a cananuna rabiti ꞌain. An ca nu nuibaquin bamaxbia baísquia Jesucristo an nun ꞌuchacama tërë́ncëxnu bacë́ntëcëncësa ꞌaish, ainan ꞌinun nu ꞌimiaxa, ënë nëtënuax ainan ꞌaíshnu aín nëtënuribi ꞌinun.

2 Pedro 1:4

Ainan ꞌimiquin ca aín bana ꞌinánquin Nucën Papa Diosan uisaira oquin cara nu ꞌaquinti ꞌicë quixun nu ꞌunánmia. Usaquian ꞌunánmicëx, a banami catamëti camina an sinánmicësabi oquin sinánan uni itsían ñunshínquin ñu ꞌatima ꞌaia isquinbi, usaribi oquin ꞌaquinma upí ñuishi sinánti ꞌain.

2 Pedro 3:14

ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.

1 Juan 4:17

Usa ꞌixun cananuna an nu nuibaquin sinánmicë ꞌixun ax cuëëncësa oquin Nucën Papa Diosmi upiti sinánan unicama nuibatin. Usa ꞌaish cananuna nux ënë nëtënuax asaribi ꞌaish, anuan Jesucristo utëcënti nëtën nux masá nuituti rabíntima ꞌain.