1 Juan 3:23 - Kashibo-Kakataibo Biblia

²³ Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

Nukën 'Ibu Diosan ain unikama 'inan ain bana

²³ Axa quicësabi oquin 'ati bana ax ca ësa 'icën, cananuna aín Bëchicë Jesucristomi catamëanan bëtsibë bëtsibë nuibananti 'ain, an nu cacësabi oi.

1 Juan 3:23 Iomraidhean Croise

Salmos 2:12

usa ꞌain kamina Dios ax nishkima mitsu, ꞌaisama okin tëmëramia usa ꞌain rabikanti ꞌain. ¡Diosan ka axa ami katamëkë unikama chuámarua tania ami sinani kuëënun ꞌimia ësai ka Diosan kaískë unikama kiakëxa!

Mateo 22:39

Bëtsi bana asaribi ca ënëx ꞌicën: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”.

Marcos 9:7

Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca ꞌëx amiira sináncë, ꞌën bacë bëchicë ꞌicën. Aín bana ca cuacan.

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 13:34

Mitsun ꞌunáncëma bana ió ënëribi cana axa quicësabi oími ꞌinun mitsu cain, mitsúxbi camina bëtsibë bëtsibë nuibananti ꞌain. ꞌËn mitsu nuibacësaribi oi camina micamax bëtsibë bëtsibë upiti nuibananti ꞌain.

Juan 14:1

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Juan 15:12

Ënëx ca asérabi ax quicësaími ꞌicanti bana a ꞌicën: ꞌËn mitsu nuibacësaribiti camina bëtsibë bëtsibë nuibananti ꞌain.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 3:18

Aín Bëchicëmia catamëcë uni ax ca Nucën Papa Diosan ꞌuchocë ꞌima. Usa ꞌaínbi ca axa ami catamëcëma uni ax aín Bëchicë achúshi ami catamëcëma cupí Nucën Papa Diosan aín ꞌucha cupí castícantishi ꞌicën.

Juan 6:29

Cacëxun ca Jesusan cacëxa: —Nucën Papa Dios ca cuëënia, mitsúxmi an ënu unun xuá ꞌaínmi ꞌëmi catamënun.

Hechos 16:31

Quia ca cacëxa: —Nucën ꞌIbu Jesucristomi sinani ca ami catamët. Ami catamëti camina min xubunu ꞌicë min aintsi ꞌibucamabëbi mitsun ꞌuchacama tërë́ncë ꞌaish Nucën Papa Diosnan ꞌiti ꞌain.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

1 Tesalonicenses 4:9

Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

1 Juan 2:7

ꞌËn xucë́antu, mitsun ꞌunáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.

1 Juan 3:11

Jesucristomi catamëtabaquinbimi mitsun cua a bana ca ënëx ꞌicën, bëtsibë bëtsibë cananuna nuibananti ꞌai quicë.

1 Juan 4:15

Uin cara —Jesucristo ax ca asérabi Nucën Papa Diosan Bëchicë ꞌaish asaribi ꞌicë —quixun ꞌunánquin unicama ñuixunia, ax ca Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

1 Juan 4:21

Ënë bana ca Nucën Papa Diosan nu ꞌináncëxa: axa ami sináncë uni ax ca uni itsimiribi sinánti ꞌicën.

1 Juan 5:13

Aín Bëchicëmi catamëcë ꞌaish camina ainan ꞌaish Nucën Papa Diosbë xënibua ꞌaínbi ꞌiti ꞌai quixunmi ꞌunánun cana ënë ñucama mitsu cuënëoxunin.