1 Juan 3:2 - Kashibo-Kakataibo Biblia

² ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Nukën 'Ibu Diosan ain unikama 'inan ain bana

² 'Ën nuibacë xucë́antu, bërí cananuna Nucën Papa Diosan bëchicë 'ain. Usa 'icëbi ca uisaira caranuna 'inuxun 'ai quixun an nu 'unánmicëma pan 'icën. Usa 'aínbi cananuna 'unanin, Jesucristo utëcëncëbëtan cananuna upí oquin uisa cara ax 'icë quixun isti 'ain. A isi cananuna asaribi 'iti 'ain.

1 Juan 3:2 Iomraidhean Croise

Salmos 16:11

Usa ꞌixun kamina uisai karana tsóti ꞌai kixun ꞌë ꞌunánmiti ꞌain. Anu mix ꞌikë anu ka anuax ꞌitsaira kuëëntisabi ꞌikën; anuax ka min unikama ꞌitsaira kuëënti ꞌikën.

Malaquías 3:2

ꞌAínbi kara, ¿uin anúan ꞌuti nëtë a sënë́nkëbë ax ukëbëtan tënëti ꞌik? ¿Usa ꞌain kara uix ñu ꞌatima ꞌai ꞌuchakëma ꞌaish a bëtánain anubi niti ꞌik? Ax ka tsi ërë́tia iskësa ꞌaish nukama upí ꞌinun mëníonux ꞌuti ꞌikën; ꞌianan ka jabonan chukakëxun chupa chua tërëkakësa usaribi okin nun ꞌucha tërë́kati ꞌikën.

Mateo 5:8

Axa aín nuitu Nucën Papa Diosan iscëx upí ꞌianan aín sinan upí uni an ca Nucën Papa Dios ꞌunánan isti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Lucas 17:30

Lot ꞌaían ꞌiá usaribiti ca uni ꞌinux Nucën Papa Diosnuax uá ꞌaish, ꞌëx anun utëcënti nëtë, anúan camabi unin ꞌë isti, ax ꞌiti ꞌicën.

Lucas 20:36

Bama ꞌaish baísquitancëx ca Nucën Papa Diosan bëchicë ꞌaish bamatëcëntimoi tsóti ꞌicën, ángelcamaxa ꞌicësaribiti.

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 11:52

Judíos unicamaxëshima bëtsi bëtsi nëtënuaxa ax Nucën Papa Diosmi sináncë unicamaxribia ainan ꞌaish achúshisa ꞌinúan Jesús bamati ñuiquin ca usaquin cacëxa.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Romanos 8:16

Aín Bëru Ñunshin Upitanbi ca nun nuitu mëúxun nu ꞌunánmia, nux cananuna asérabi Nucën Papa Diosan bëchicë ꞌai quixun.

Romanos 8:18

ꞌËn cana —asérabi ca usai ꞌiti ꞌicë —quixun ꞌunanin. Ënë nëtënuax Cristonan cupí tëmëracë ꞌixunbi cananuna Cristobë aín nëtënu ꞌaish cuëënquin —ꞌën tëmërati ca asábi ꞌiaxa —quixun sinánti ꞌain.

Romanos 8:19

Cristo utëcëntamainun ca axbi ꞌiti ꞌaíshmabi, usai ꞌitioquian Nucën Papa Diosan mëníosabi oi camabi ñu tëmëranan cëñutia. Unin ꞌucha cupí usai tëmëranan chëquiti ꞌixunbi ca camabi ñu ꞌimainun camabi unínribi anúinra ꞌaímai tëmëranan chëquiti nëtë cainia.

Romanos 8:29

Ui unicama cara ainan ꞌiti ꞌicë quixun ꞌunánquin ca Nucën Papa Diosan aín Bëchicënëxa aín unicaman cushi ꞌinun atux aín Bëchicë ꞌicësaribiti ꞌinun mëníocëxa.

1 Corintios 13:12

Espejo upíirama ꞌaínu upí oquin anun ñu iscëma usaribi oquin cananuna uisaira cara Nucën Papa Diosan sinan ꞌicë quixun camaira ꞌunaniman. Usa ꞌaínbi cananuna aín nëtënu ꞌixúinra ꞌunánti ꞌain. Bërí cana camabiira ꞌunaniman. Usa ꞌixunbi cana ꞌunánti ꞌain, an ꞌë ꞌunáncësaribi oquin.

1 Corintios 15:49

A pain me ꞌacë uni ax ca namiñu ꞌianan xoñu ꞌiacëxa. Usa cananuna nuxribi ꞌain. Usa ꞌaíshbi cananuna nux ainan ꞌaish Jesucristonën namisaribi ꞌiti ꞌain.

1 Corintios 2:9

Nun nu ñuicë banax ca Nucën Papa Diosan bana cuënëosaribi ꞌicën. A banax ca ësai quia: Uinu ꞌicë unínbi ca iscëma ꞌicën, uinu ꞌicë unínbi ca a ñui quia cuacëma ꞌicën, uinu ꞌicë unínbi ca aín sinanën sináncëma ꞌicën, uisairai cara an a nuibacë uni abë ꞌaish ꞌiti ꞌicë quixun, Nucën Papa Diosan mëníosabi oi.

2 Corintios 3:18

Usa ꞌain cananuna bëmápucucësama ꞌixun, Jesús ca asérabi Cristo ꞌicë quixun ꞌunani ami catamëti ainan ꞌain. Barían pëcaquin espejo ichucësaribi oquin ca Jesucristonënbi asaribi ꞌinun aín upí nu ꞌinania. Usaquian nu ꞌacëx cananuna bërámanu ꞌá ñucama ëuncubiani Jesucristo cuëëncësabi oi bëtsi sinánñu ꞌaish, asaribi ꞌin. Aín Bëru Ñunshin Upitanbia ꞌimicëx cananuna usai ꞌin.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

Filipenses 3:21

Nux bamai chëquiti ꞌicëbi ca ax uquin nu axa bamax baísquiasaribi oquin, asaribi ꞌinun, nu bëtsi oti ꞌicën. Usonan ca aín cushi anun ax camabi ñun ꞌibu ꞌiti anúnribi nu bëtsi oti ꞌicën.

Colosenses 3:4

Cristo, anun nux tsóti, axa upíira ꞌianan cushiira ꞌaish utëcëncëbë camina nëtë́timoi abë ꞌianan asaribi upíshi ꞌiti ꞌain.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

2 Pedro 1:4

Ainan ꞌimiquin ca aín bana ꞌinánquin Nucën Papa Diosan uisaira oquin cara nu ꞌaquinti ꞌicë quixun nu ꞌunánmia. Usaquian ꞌunánmicëx, a banami catamëti camina an sinánmicësabi oquin sinánan uni itsían ñunshínquin ñu ꞌatima ꞌaia isquinbi, usaribi oquin ꞌaquinma upí ñuishi sinánti ꞌain.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

1 Juan 2:7

ꞌËn xucë́antu, mitsun ꞌunáncëma bana ñuiquin cuënëoquin cana mitsu caiman. Jesucristomi catamëtabaquinmi cua bana abi cana mitsu ñuixuntëcënin.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:21

ꞌËn nuibacë xucë́antu, nun ñu ꞌatima ꞌacëcama a mëníocë ꞌain cananuna a sinani masá nuitutima Nucën Papa Diosbë banati ꞌain.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a ꞌicë —quixun sináncë unicamax ca Nucën Papa Diosan bëchicëribi ꞌicën. Uicamax cara Nucën Papa Diosmi sinania ax ca aín bëchicëcamamiribi sinania.

Apocalipsis 2:28

Pëcaracëbëtan ca ꞌisponën pëcaia. A ꞌispon cana axa ꞌëmi catamëquin ꞌëx cuëëncësabi oi ꞌiti ëncëma unicama ꞌinánti ꞌain.

Apocalipsis 22:4

Rabianan ca anuax abë isananti ꞌicën. Usa ꞌaish ca Nucën Papa Diosan anë atun bëmánanu cuënëocë ꞌiti ꞌicën.