1 Juan 3:18 - Kashibo-Kakataibo Biblia

¹⁸ ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

Nukën 'Ibu Diosan ain unikama 'inan ain bana

¹⁸ 'Ën bëchicësa 'icë, cana mitsu cain, nun cuëbitanshi uni —'ën cana mi nuibati —quixun caquinma cananuna asérabi nuibaquin 'aquinsa 'icë a 'aquinti 'ain.

1 Juan 3:18 Iomraidhean Croise

Éxodo 33:21

Kanan ka ësakinribi Nukën ꞌIbun kakëxa: —Ka kuat, anu ꞌëx ꞌikë ꞌurama ënu ka mapara achúshi ꞌikën. Akamanan kamina nirakëti ꞌain.

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Lucas 7:5

An ca nuxnu judíos unibu ꞌicë nu nuibaquin nuxnu anu timë́ti xubu nu ꞌamixuanxa.

Juan 17:19

Atun min bana upí oquin ꞌunánquin mix cuëëncësabi oquinshi ꞌanun cana ꞌën mix cuëëncësabi oquinshi ꞌain.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Efesios 4:15

Nuxnu ainan ꞌaían aín unicaman ꞌIbu, Cristo, ax nubë ꞌain cananuna nëtë camabi an nu ꞌunánmicësabi oquin ꞌai, aín sinánsaribi ꞌiti ꞌain. Usa ꞌaish cananuna bëtsibë bëtsibë nuibananquin, cëmëquin uni itsi paranima, Cristo cuëëncësabi oíshi ꞌiti ꞌain.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Juan 2:1

ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

2 Juan 1:1

ꞌËx axa Jesucristomi catamëcë unicaman cushi ꞌixun cana mixmi Nucën Papa Diosan ainan ꞌinun caíscë xanu ꞌicë, ꞌën asérabi a nuibacë min tuácamacëñun, ënë quirica an Nucën Papa Diosan bana ꞌacë unicamabëtan, mi cuënëoxunin.

3 Juan 1:1

ꞌËx axa Jesucristomi catamëcë unicaman cushi ꞌixun cana, axa ꞌëx ꞌicësaribiti asérabi Nucën Papa Diosan uni ꞌaish ꞌë nuibacë Gayo, a ënë quirica buánmin.