1 Juan 3:13 - Kashibo-Kakataibo Biblia

¹³ ꞌËn xucë́antu, axa Jesucristomi catamëquinma ënë menu ꞌicë ñuishi sináncë unicaman mitsumi nishquin nuibacëxunmabi camina —uisacatsi cara ꞌëmi nishia —quixun masá nuituquin sinántima ꞌain.

Nukën 'Ibu Diosan ain unikama 'inan ain bana

¹³ 'Ën xucë́antu, axa Jesucristomi catamëquinma ënë menu 'icë ñuishi sináncë unicaman mitsumi nishquin nuibacëxunmabi camina —uisacatsi cara 'ëmi nishia —quixun masá nuituquin sinántima 'ain.

1 Juan 3:13 Iomraidhean Croise

Mateo 10:22

Mitsúxmi ꞌëmi sináncëbë ca axa ꞌëmi sináncëma unicamax mitsumi nishti ꞌicën. Usa ꞌaínbi ca an uisa ñu cara ꞌicëbëtanbi ꞌëmi sinánquin ëncëma unicamax Nucën Papa Diosan nëtënu ꞌëbë ꞌiti ꞌicën.

Mateo 24:9

Usoquin canan ca ësaquinribi Jesusan aín ꞌunánmicë unicama cacëxa: —ꞌËmi sináncëma uni raírinën ca uni itsían mitsu bëtsi bëtsi onun ꞌinánuxun ꞌaia. ꞌInánan ca micama raíri ꞌanuxun ꞌaia. Mitsúxmi ꞌëmi catamëcë cupí ca camabi menu ꞌicë unicamax ꞌëmi sináncëma ꞌaish mitsumi ꞌi nishnuxun ꞌaia.

Marcos 13:13

Mitsúxmi ꞌëmi catamëcë cupí ca unicamax ꞌëmi sináncëma ꞌaish mitsumi ꞌi nishnuxun ꞌaia. Usa ñu ꞌicëbëtanbia ꞌëmi sinánquin ëncëma unicamax ca ꞌën Papa Diosan nëtënu ꞌëbë ꞌiti ꞌicën.

Lucas 21:17

Mitsúxmi ꞌëmi catamëcë cupí ca unicamax ꞌëmi sináncëma ꞌaish mitsumi ꞌi nishnuxun ꞌaia.

Lucas 6:22

Uni ꞌinux Nucën Papa Diosnuax uá ꞌën bana cuacë cupí unin mitsumi nishanan, mitsu cuëënquinma ꞌatimaquin ñuianan, mitsun anëmibi ꞌatimati banacëxbi camina chuámarua tani cuëënti ꞌain.

Juan 16:2

Mitsúxmi ꞌënan cupí ca anua judíos unicama timë́ti xubunu atsíntëcëanxmami ꞌinun mitsu chiquíncanuxun ꞌaia. Nucën Papa Dios cuëëncësabi oquin isa ꞌaia quixun sinánquin ca unin mitsu bëtsi bëtsi oquin ꞌati ꞌicën. Usai ꞌia camina isti ꞌain.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 17:14

ꞌËn cana ënëcama min ꞌë sinánmicë bana upí, ashi ñuixunquin ꞌunánmia. ꞌAínbi ca an ënë bana cuacëma unicamax atumi nishia, ꞌëx ꞌicësaribitia atux ënë nëtënu ꞌicë ñuishi sináncëma ꞌain.

Juan 3:7

Nucën Papa Diosan cushin camina bacë́ntëcëncë ꞌiti ꞌai quixun ꞌën mi cacëx ratúaxma ca ꞌit.

Juan 7:7

Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

Romanos 8:7

An ënë nëtënu ꞌicë ñuishi sináncë uni an ca Nucën Papa Dios cuëëncësabi oi ꞌiti sinanima. Usa ꞌixun ca asérabi aín bana ꞌunáncëma ꞌaish ami nishcësa ꞌixun añu ñu cara ꞌaisa tania a ñu ꞌaia. Usaquin ꞌaquin ca Nucën Papa Diosan bana cuaisama tanan a bana quicësabi oquin ꞌaima.

2 Timoteo 3:12

Asérabi ca axa Cristo Jesús quicësabi oi ꞌiisa tancë unicama unin bëtsi bëtsiocëx tëmërati ꞌicën.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

Apocalipsis 17:7

Ratutiabi ca xanpa tuíncë ángelnën ꞌë caxa: —¿Uisacatsi caramina ratutin? A xanu ꞌimainun ñuinacanꞌëo anu a xanu tsócë, axa aín maxcá mëcën achúshi ꞌimainun rabë́ ꞌianan aín matúxca mëcën rabë́, a rabëtax cara uisa ꞌicë quixuan unin ꞌunáncëbëtanmabi cana mi ꞌunánmiti ꞌain.