1 Juan 2:9 - Kashibo-Kakataibo Biblia

⁹ Uix cara —ꞌëx cana ainan ꞌaish Nucën Papa Diosbë upí ꞌai —quibi nuibatíma uni itsimi nishia, ax ca Nucën Papa Diosnanma pain ꞌicën.

Nukën 'Ibu Diosan ain unikama 'inan ain bana

⁹ Uix cara —'ëx cana ainan 'aish Nucën Papa Diosbë upí 'ai —quibi nuibatíma uni itsimi nishia, ax ca Nucën Papa Diosnanma pain 'icën.

1 Juan 2:9 Iomraidhean Croise

Levítico 19:17

Mix abë ꞌikë unimi ꞌatimakin sinani kamina ami nishtima ꞌain. Min ꞌunánkë unían ꞌatima ñu ꞌaisatania ꞌunánkin kamina ꞌaxunma ꞌanun kati ꞌain. Usakin ñu ꞌaia iskinbi min ꞌunánkë uni kakëma ꞌaish kamina abëbi ꞌuchakë ꞌiti ꞌain.

Juan 9:41

Cacëxun ca Jesusan cacëxa: —Mitsun asérabi ꞌë ñui quicë bana ꞌunáncëma ꞌaish bëxuñusa ꞌaish camina ꞌuchocëma ꞌitsían. Usa ꞌaínbi mitsun —cana a bana cuati —quicë ꞌixúnbi —asérabi ca a bana ꞌicë —quixun sinántisama tancë cupí camina ꞌuchacë ꞌiti ꞌain.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

2 Pedro 1:9

Usa ꞌaínbi ca axa usai ꞌicëma uni ax bëxuñu unisa ꞌianan a ñubi sináncëma unisa ꞌicën. Usa ꞌixun ca aín ꞌucha ca tërë́ncë ꞌicë quixun sinanima manúaxa.

1 Juan 1:6

Ñu ꞌaisama ꞌaíbi —ainan ꞌaish cana Nucën Papa Diosbë upí ꞌai —qui cananuna cëmëin. Ainan cana ꞌai quicë ꞌixunbi ax quicësabi oquin ꞌaquinma ñu ꞌatima ꞌai cananuna cëmëin.

1 Juan 2:11

Usa ꞌaínbi ca nuibatíma bëtsi unimi nishcë uni an Nucën Papa Diosbë upíma ꞌixun ñu ꞌatima ꞌatishi sináncë cupí sinánñumasa ꞌixun uisai cara ꞌiti ꞌicë quixun ꞌunanima.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.