1 Juan 2:3 - Kashibo-Kakataibo Biblia

³ Aín bana quicësabi oquin ꞌacë ꞌixun cananuna ꞌunanin, nux cananuna asérabi ainan ꞌaish a ꞌunáncë ꞌai quixun.

Nukën 'Ibu Diosan ain unikama 'inan ain bana

³ Aín bana quicësabi oquin 'acë 'ixun cananuna 'unanin, nux cananuna asérabi ainan 'aish a 'unáncë 'ai quixun.

1 Juan 2:3 Iomraidhean Croise

Isaías 53:11

Usai pain ꞌitsaira tëmëratankëxun ka asérabi kana Diosan kakësabiokin ꞌan kixun ꞌunani kuëënti ꞌikën; usa ꞌain ka Nukën ꞌIbun ka upí ꞌixun ꞌitsaira uni ië́miti ꞌikën, ꞌianan ka unikama ꞌatima ñu ꞌai ꞌuchakë kupín ainansa ꞌain, anun tëmërati ꞌikën.

Lucas 6:46

¿Uisacasquin caramina —mix camina ꞌën ꞌIbu ꞌai —quixun ꞌë caquinbi ꞌën mitsu cacësabi oquin ñu ꞌaiman?

Juan 14:15

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

Juan 15:10

Ax quicësabi oi ꞌia ca ꞌën Papa Diosan ënquinma ꞌë nuibatia. Usaribitimi ꞌëx quicësabi oi ꞌia cana ꞌënribi ënquinma mitsu nuibatin.

Juan 15:14

ꞌËn cacësabi oi ꞌi camina mitsux ꞌëbë nuibanancë uni ꞌain.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

2 Corintios 4:6

Nucën Papa Dios axa bëráma, “Bëánquibucë ca pëquiti ꞌicë” quiá, anbi ca Cristonëan nun nuitu mëúxun nu chuámashi tani cuëënquinu uisaira upí cara Nucën Papa Dios ꞌicë quixun ꞌunánun ꞌimiaxa.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

1 Juan 2:13

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, a ainan ꞌixun ꞌunáncë cupí cana mitsu quirica cuënëoxunin. Bëná unicama, mitsuribishi cana ñunshin ꞌatimanën ꞌapúan ñu ꞌatima ꞌamitisa tancëxunbimi ꞌacëma cupí quirica cuënëoxunin. ꞌËn bëchicësa ꞌaíshmi ainan ꞌixun Nucën Papa Dios ꞌunáncë cupí cana mitsuribi quirica cuënëoxuan.

1 Juan 3:14

Nux ꞌicësaribitia ax Jesucristomi catamëcë unicama nuibacë ꞌixun cananuna ꞌunanin, nux ainanma ꞌiá ꞌaíshbi cananuna bërí Nucën Papa Diosnan ꞌai quixun. An uni itsiribi nuibacëma uni ax ca Nucën Papa Diosnanma ꞌaish usabi ꞌicën.

1 Juan 3:19

Nun uni nuibaquin ꞌaquincë ꞌixun cananuna ꞌunánti ꞌain, nun cananuna asérabi ainan ꞌixun Nucën Papa Dios cuëëncësabi oquin ꞌai quixun. Usaquin ꞌunani cananuna bënëtima chuámarua ꞌiti ꞌain.

1 Juan 3:6

Usa ꞌain ca uix cara ainan ꞌaísha, a ëníma abë ꞌicëa Nucën Papa Diosan sinánmicë ꞌicë, a unin ñu ꞌatima amiribi amiribi ꞌaima. An ñu ꞌatima amiribi amiribi ꞌacë uni ax ca ami catamëcëma ꞌianan uisa cara ax ꞌicë quixun Jesucristo ꞌunáncëma ꞌicën.

1 Juan 4:13

An aín Bëru Ñunshin Upí nubëa ꞌinun ꞌináncë ꞌixun cananuna ꞌunanin, nux cananuna abë ꞌai quixun. ꞌUnánan cananuna —ax ca nubë ꞌicë —quixun ꞌunanin.

1 Juan 4:7

ꞌËn nuibacë xucë́antu, cana mitsu cain, Nucën Papa Diosan sinánmicëxun ca unin uni itsi nuibatia. Usa ꞌain cananuna ainan ꞌaish bëtsibë bëtsibë nuibananti ꞌain. An uni itsi nuibacë unicamax ca Nucën Papa Diosan bëchicë ꞌianan a ꞌunáncë ꞌixun an sináncësa oquin sinania.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

1 Juan 5:2

Usa ꞌain cananuna ꞌunanin, nux ami sinánquin Nucën Papa Dios quicësabi oquin ꞌacë ꞌaish cananuna aín bëchicëcamamiribi sinani quixun.

1 Juan 5:3

Axa Nucën Papa Diosmi asérabi sináncë uni, an ca aín bana quicësabi oquin ꞌaia. Ax quicësabi oquin ꞌaisa ca a bana ꞌicën.

Apocalipsis 12:17

Usai ꞌia isi ca ñuina chaira capë́sa ax ꞌaisamairai xuamati xanumi nishaxa. Nishi ca a xanun rëbúnqui raíri, an Nucën Papa Diosan bana quicësabi oquin ꞌacë ꞌianan an Jesucristomi sinánti ëncëma, a unicamabë ꞌacanani cuanxa.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.

Apocalipsis 22:14

Ui unicamax cara a ëmanu atsínxun, anu ꞌicë anun uni bamatimoi tsóti i bimi biti sinani, chupa uxuira chuañumasa ꞌinun aín nuitua upí ꞌiminun Jesucristomi catamëtia, acamax ca anu ꞌaish cuëëinra cuëënti ꞌicën.