1 Juan 2:17 - Kashibo-Kakataibo Biblia

¹⁷ Mecama ꞌimainun anu ꞌicë ñucamaxribi ca cëñúti ꞌicën. ꞌImainun ca ñunshínquian unin a ꞌatishi sináncë ñu ꞌatimacamaxribi cënúti ꞌicën. Usa ꞌaínbi ca axa Nucën Papa Dios cuëëncësabi oi ꞌicë unicama xënibua ꞌaínbi abë ꞌiti ꞌicën.

Nukën 'Ibu Diosan ain unikama 'inan ain bana

¹⁷ Mecama 'imainun anu 'icë ñucamaxribi ca cëñúti 'icën. 'Imainun ca ñunshínquian unin a 'atishi sináncë ñu 'atimacamaxribi cënúti 'icën. Usa 'aínbi ca axa Nucën Papa Dios cuëëncësabi oi 'icë unicama xënibua 'aínbi abë 'iti 'icën.

1 Juan 2:17 Iomraidhean Croise

Salmos 90:9

Asérabi ka nuxnu tsókë, ax mixmi numi nishkëbëshi këñutia; ꞌianan ka anun nux tsókë baritia ax munuma uin bitsi nun uinkë usaribi ꞌikën.

Mateo 21:31

¿Mitsun sináncëxun cara a uni rabë́ uinu ꞌicën aín papa cuëëncësabi oquin ñu ꞌax? Cacëxun ca cacëxa: An —cana cuanima —quixun caxbi cuancë, an ca aín papa cuëëncësabi oquin ꞌaxa. Cacëxun ca Jesusan cacëxa: —ꞌËn cana asérabi mitsu cain, mitsun ainan isamina ꞌai quixun caquinbi ax cuëëncësabi oquin ꞌacëma ꞌaíshmi Nucën Papa Diosan nëtënu ꞌitima ꞌaínbi ca ꞌitsa uni an ꞌapu buánmiti curíqui bicë, ꞌimainun ꞌitsa xanu mitsun sináncëx ꞌuchañu, acamax sinananti ꞌëmi sinánquin ax cuëëncësabi oquin ꞌacë ꞌaish Nucën Papa Diosan nëtënu ꞌiti ꞌicën.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Mateo 7:21

An —mix camina ꞌën ꞌIbu ꞌai —quixun ꞌë cacë unicama ax ca camáxira Nucën Papa Dios naínu ꞌicë aín nëtënu abë ꞌitima ꞌicën. An aín cuëëncësabi oquin ꞌacë unicamax cuni ca anu abë ꞌiti ꞌicën.

Marcos 3:35

Uicaman cara Nucën Papa Dios cuëëncësabi oquin ꞌaia, acamax ca ꞌën xucën ꞌimainun ꞌën chirabacë ꞌimainun ꞌën tita ꞌicën.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 6:58

ꞌËx cana naínuaxa uá pitisa ꞌai quiax cana ꞌëx quin. ꞌËx cana mitsun raracaman piá manásama ꞌain. Mitsun raracamax ca maná cacë ñu pibi bamatimoi tsoóma ꞌicën. Usa ꞌaínbi ca an ꞌëmi catamëquin ꞌë picësa uni ax ainan ꞌaish xënibua ꞌaínbi Nucën Papa Diosbë ꞌiti ꞌicën.

Juan 7:17

Uinu ꞌicë unin cara Nucën Papa Dios cuëënun ñu ꞌaisa tania, an ca ꞌën carana Nucën Papa Diosan ꞌë sinánmicë bana ñuin, carana ꞌënbi sináncë bana ñui quixun ꞌunánti ꞌicën.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

1 Corintios 7:31

Ënë nëtënuanu iscë ñu ënëx ca cëñutia. Usa ꞌain ca ënë nëtënuxuan an ñu bicë uni ax ñu bicëma unisa ꞌiti ꞌicën.

Colosenses 1:9

Epafrasnëan mitsu ñuiquin nu cacë bana cuaxun cananuna ënquinma Nucën Papa Dios mitsu ñucáxunin. Uisaími ꞌiti cara Nucën Papa Dios cuëënia, a mitsu ꞌunánminun ñucáxuanan cananuna an aín unicama ꞌunánmiti ñucama mitsu ꞌunánminun a ñucatin.

Colosenses 4:12

Axribia Colosasnu ꞌicë uni, Epafras, anribi ca bërúanxmi ꞌinun quixun mitsu camía. An ca Cristo cuëëncësabi oquin ꞌanan camabi nëtën Nucën Papa Dios mitsu ñucáxunia, ami sinánti ënquinmami ax cuëëncësabi oquinshi upí oquin ꞌanun.

1 Tesalonicenses 4:3

Nucën Papa Dios ca cuëënia mitsúxmi ainan ꞌaish ax cuëëncësabi oíshi ꞌiti. Ax ca cuëënia mitsun xanuma, xanu itsibë ꞌitima ꞌianan xanúxmabi bëtsi unibë ꞌitima.

1 Tesalonicenses 5:18

Uisa ñu cara ꞌicëbëtanbi camina mitsun Nucën Papa Dios —asábi ca —quixun cati ꞌain. Jesucristomi catamëcë ꞌixunmi mitsun usaquin a cati ca Nucën Papa Dios cuëënia.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Santiago 4:14

Usai quiquinbi camina uisai caramina imë́ishi ꞌiti ꞌai quixun ꞌunaniman. Uisa cara nun tsóti ꞌicë cananuna ꞌunaniman. Ax ca ꞌibútancëxa curu nëtë bënëtishi nëtë́cë usaribi ꞌicën.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

1 Pedro 4:2

Usa ꞌixun ca axa Jesucristomi sináncëma unin sináncësa oquin sinanima Nucën Papa Dios cuëëncësa oishi ꞌia, anúan bamati nëtëa ꞌitámainun.