1 Juan 2:16 - Kashibo-Kakataibo Biblia

¹⁶ An ënë menu ꞌicë ñuishi sináncë unix ca ñunshínquin piti, xëati, xanubë ꞌiti acama sinánan ñu ꞌatima isti cuëëanan —ñuñu cana ꞌai —quixun sinani rabitia. Nucën Papa Diosan ca usaía ꞌinun uni sinánmicëma ꞌicën. Abi ënë menu ꞌicë ñuishi sináncë ꞌaish ca uni usai ꞌia.

Nukën 'Ibu Diosan ain unikama 'inan ain bana

¹⁶ An ënë menu 'icë ñuishi sináncë unix ca ñunshínquin piti, xëati, xanubë 'iti acama sinánan ñu 'atima isti cuëëanan —ñuñu cana 'ai —quixun sinani rabitia. Nucën Papa Diosan ca usaía 'inun uni sinánmicëma 'icën. Abi ënë menu 'icë ñuishi sináncë 'aish ca uni usai 'ia.

1 Juan 2:16 Iomraidhean Croise

Génesis 3:6

Usakin kakëxun ka xanun a bimi kuisa, upíira upí ꞌikë isakëxa, a piax sinánñuira ꞌisa iskin ka anun kuëënkin xanun i bimi biakëxa. I bimi bixun kukin, ka aín bënëribi ꞌinánkëxa. ꞌInánkëxun ka anribi piakëxa.

Génesis 6:2

usa ꞌain ka Diosan bëchikëkaman unin bëchikë xanukama upíirabu isakëxa. Usa ꞌain ka uinu ꞌikë xanu kara kuëënia abë kuëënani unikamax biranankëxa.

Job 31:1

Usakin pain an ꞌunánkë uni rabë́ ꞌimainun achúshi a katankëx sënë́an ka Job axribi banai ësai kiakëxa. ꞌËnbi kana sinánkë bënëñu xanukama ꞌimainun kana bënëñuma xanu uisa ꞌixunbi kuëëanma ꞌain kixun kana sinánkën.

Salmos 73:6

Usa ꞌain ka atúxa rabiakakë ax ꞌain tëutisa ꞌianan atun bënëruxun ñu ꞌatima ꞌakë ax atún pañukë chupasa ꞌikën;

Daniel 4:30

nitsax ësai kiakëxa: ¡Ka kuat, chaiira cha ka Babilonia ëma ꞌikën! ꞌËx kushiira ꞌixun kana anu ꞌëx ꞌapu ꞌia ꞌikëa unin ax kushiira ꞌixun ka usakin ꞌamiakëxa kixuan unin ꞌunánun kana ꞌamia kiakëxa.

Números 11:34

Usaia anuax ꞌikë ka a me Quibrot-hataavá kakin anëakëxa, anua an pitishi sinánkë unikama maínkë kupín.

Números 11:4

Anu ka Israel unikamabë mëskuax kuankë bëtsi menu ꞌikë unikama an pitishi sinánkë unikama atux pain nami pikatsi kia kuati. Israel unikamaxribi tsuákirui nami pikatsi kiax ini sharati kánani kikankëxa: “¡Uinua karanuna a piti nami mërati ꞌai kiax kánani kikankëxa!

Mateo 4:8

Usotancëxun ca ñunshin ꞌatimanën ꞌapun amiribishi tantëcëncatsi quixun aín bashi chairucë manan Jesús buáncëxa. Buántancëxun ca anuxun camabi me ꞌimainun a menu ꞌicë ëmacamaxa cha ꞌaish upí ꞌicë ismiacëxa.

Mateo 5:28

Usai quiá ꞌaínbi cana ꞌën mitsu cain, uinu ꞌicë unix cara ainanmabi xanu itsi isi aín nuitu mëu cuëënia a unix ca a xanubë ꞌicësa ꞌia.

Lucas 4:5

Usotancëxun ca amiribishi tantëcëncatsi quixun ñunshin ꞌatimanën ꞌapun aín bashi chairucë manan Jesús buáncëxa. Buántancëxun ca anuxun camabi me ꞌimainun a menu ꞌicë ëmacama cuainacëa bënë́nquinshi ismiacëxa.

Romanos 13:14

Usa ñucama ëni camina Nucën ꞌIbu Jesucristonën mitsu usai ꞌinun quixun sinánmicësabi oi ꞌiti ꞌain. Ënë nëtënu ꞌicë ñuishi sináncë uni an ñu ꞌatima ꞌacësaribi oquin ꞌati camina sinántima ꞌain.

1 Corintios 10:6

Nun atun ñu ꞌaisama ꞌati cuëëansaribi oquin cuëënuxunma, nun a ꞌunánti oi ca usai ꞌiacëxa.

Gálatas 5:17

Nun sináncësa oquinshi ënë nëtënu ꞌicë ñu ꞌaquin cananuna Nucën Papa Diosan Bëru Ñunshin Upí cuëëncësama oquin ꞌain. Nucën Papa Diosan Bëru Ñunshin Upí ax ca nun sináncësa oquinu ñu ꞌati cuëënima. Usa ꞌixun camina mitsux an sinánmicë ꞌixun mitsun cuëëncë ñu ꞌatima ꞌain.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

Tito 2:12

Nucën Papa Diosan ca nu ꞌunánmia, nux aín uni ꞌaish cananuna abë upí ꞌaish ax cuëëncëma ñu ꞌati ëni, upíshi ꞌianan axa ami sináncëma unicamaxa ꞌicësai ꞌiti sinanima, ꞌianan ami cushicë ꞌixun, añu ñucama nun ꞌati cara cuëënia ashi ꞌati ꞌai quixun.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 3:15

Usaquin sináncë unix ca Nucën Papa Diosan sinánmicëma ꞌicën. Ax ca an ënë menu ꞌicë ñuishi sináncë unin sináncësa ꞌicën. Ñunshin ꞌatimanën sinánmicë ca usa uni ꞌicën.

Santiago 4:16

Usa ꞌaínbi camina mitsux —ꞌënbi cana usaquin ñu ꞌati ꞌai —quiax cërúanan rabitin. Usai ꞌiti ca ꞌaisama ꞌicën.

1 Pedro 1:14

Ainan ꞌixun ax quicësabi oquinshi ñu ꞌaquin camina bëráma Jesucristomi catamëquin Nucën Papa Dios ꞌunáncëma ꞌixunmi cuëë́an ñucama ꞌatëcëntima ꞌain.

1 Pedro 2:11

ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.

2 Pedro 2:10

Nucën ꞌIbu Diosan ca anbia masáquin sináncë ꞌixun ñunshínquin ꞌatima ñu ꞌanan aín bana cuacëma unicama asérabi uisoquin cara ꞌati ꞌicë usoquin ꞌati ꞌicën. A unicaman ca rabínquinma ax cuëëncësa oquinshi ñu ꞌaisama ꞌanan, ami racuë́quinma Nucën Papa Diosan ꞌimicë ꞌicëbi unin cushicamaribi ꞌatimaquin ñuia.

2 Pedro 2:18

Usa unicaman ca axbi cërúanan rabiacati sinánñumasa ꞌixun, an ꞌacësaribi oquian ñunshínquin ñu ꞌatima ꞌanun quixun, an ñu ꞌatima ꞌati ëinsa tancë uni raíri sinanamitëcënia.