1 Juan 2:1 - Kashibo-Kakataibo Biblia

¹ ꞌËn bëchicësa ꞌicë, cana ñu ꞌatimami ꞌatin rabanan ënë ñucama mitsu cuënëoxunin. Usa ꞌaínbia uinu ꞌicë unix cara ꞌuchaia, a an ñucáxunti ca Nucën Papa Diosbëa ꞌicë Jesucristo, ax ꞌicën. Ax ca uisa ꞌuchañumabi asérabi upíira ꞌicën.

Nukën 'Ibu Diosan ain unikama 'inan ain bana

¹ 'Ën bëchicësa 'icë, cana ñu 'atimami 'atin rabanan ënë ñucama mitsu cuënëoxunin. Usa 'aínbia uinu 'icë unix cara 'uchaia, a an ñucáxunti ca Nucën Papa Diosbëa 'icë Jesucristo, ax 'icën. Ax ca uisa 'uchañumabi asérabi upíira 'icën.

1 Juan 2:1 Iomraidhean Croise

Ezequiel 3:21

ꞌAínbi ka min kakëxun kuakin, a unin aín ꞌuchakë a ëni ꞌuchaima tsóti ꞌikën, an ka min kakëxun kuaxa usa ꞌain, usai ax ꞌikëbë kamina mixribi ië́kë ꞌiti ꞌain.”

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 13:33

Xënibutíma cana bënëtishi mitsubë ꞌiti ꞌain. Mitsubë ꞌitancëx cuancë camina ꞌë barinuxun ꞌain. Usa ꞌain cana ꞌën judíos unicama cacësabi oquin bërí mitsuribi cain, anu ꞌëx cuancë anu camina mitsux cuantima ꞌain.

Juan 14:16

Usaquinmi ꞌacëbëtan cana an mitsu ꞌaquinti a mitsubëa ꞌinun xunun Nucën Papa Dios ñucáti ꞌain, axa xënibua ꞌaínbi mitsubë ꞌinun.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 21:5

ꞌUnáncëxunmabi ca Jesusan atu cacëxa: —¿Tsatsa caramina bicancëma ꞌain? Cacëxun ca —cananuna bicëma ꞌai —quixun cacancëxa.

Juan 5:14

Usa ꞌain ca a pëxcucë uni a anuxun Nucën Papa Dios rabiti xubunuxun mëraquin, Jesusan cacëxa: —Ca is, bërí camina pëxcúcë ꞌain. Usa ꞌain camina mix ꞌiásamairai ꞌinsíntëcënti rabanan amiribishi ꞌuchatëcëntima ꞌain.

Juan 5:36

Juanëan ꞌë ñuiquin mitsu cacë ꞌixun camina an cacësabi oquin ꞌën ꞌaia isquin upí oquin ꞌunánti ꞌain, Nucën Papa Diosan ca ꞌë xuacëxa quixun.

Juan 6:27

Axa chëquiti piti binuxuinshi camina ñu ꞌatima ꞌain. Usa ꞌain camina ainan ꞌaish Nucën Papa Diosbë nëtë́timoi ꞌinuxun ꞌëmi catamëquin axa cuëëncësabi oquin ꞌati ꞌain. Usaími ꞌinun mitsu ꞌiminun ca ꞌëx uni ꞌinux anuax uá, Nucën Papa Dios, an ꞌë ꞌimiacëxa.

Juan 8:11

Cacëxun ca xanun cacëxa: —Achúshi unínbi ca ꞌë maxaxan ꞌacëma ꞌicën. Usaquian cacëxun ca Jesusan cacëxa: —Ënribi cana mi ꞌuchoiman. Ca cuantan. Cuantancëxun camina amiribishi ñu ꞌatima ꞌatëcëntima ꞌain.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Romanos 5:10

Nuxnu ꞌatimaquinshi sinani ami sináncëma ꞌicëbi ca aín Bëchicë bama cupí Nucën Papa Diosan nun ꞌucha tërë́nquin nu nuibaquin ainan ꞌimiaxa. Nu nuibaquin ainan ꞌimicë ꞌicë ca Jesucristo bamaxbi baísquicë ax nubë ꞌixun nuxnu asérabi upí ꞌinun nu ꞌimia.

Romanos 6:15

¿Axa quicësabi oínu ꞌiti bana quicësabi oquinu ꞌacë cupíma ami catamëtiaishi ca Nucën Papa Diosan ꞌën ꞌuchacama tërë́nti ꞌicë quixun sinánquin, caranuna amiribi amiribi ꞌaisama ñu ꞌatëcënti ꞌain? Cananuna ꞌatima ꞌain.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

1 Corintios 15:34

Micama raírinën uisai ꞌiti cara Nucën Papa Dios cuëënia quixun sináncëma ꞌixun camina ñu ꞌatima ꞌain. Ñu ꞌatima ꞌacë ꞌaíshmi rabínun quixun cana ësaquin mitsu cain. Usa ꞌain camina ami sinanati ax cuëëncësabi oi ꞌiquin ñu ꞌatima ꞌatima ꞌain.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Gálatas 4:19

Mitsux camina ꞌën bëchicësa ꞌain. Usa ꞌain cana mitsúnmi Cristo ꞌunáncëma pain ꞌain ꞌiásaribiti mitsúxmi asérabi ami upiti catamënun quixun sinani, masá nuituti bënëtin, bacë́nuxun paë tania xanu bënë́cësaribi oi.

Efesios 2:18

Usai Cristomi catamëti Nucën Papa Diosan Bëru Ñunshin Upíñu ꞌaish cananuna camáxbi, judíos uni ucën Papa Diosnan ꞌiti mëníocëxa. Usoquin ca nux judíos unꞌimainun judíosma uníxribi, Nucën Papa Diosbë banati ꞌain.

Efesios 4:26

Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

1 Timoteo 2:5

Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

1 Timoteo 3:14

ꞌËn cana bënëtishi mi isi cuanti sinanin. Usa ꞌixunbi cana ꞌëx bënë́quiancëbëtanmami, usai ca Jesucristomi catamëcë unicama bucuti ꞌicë quixun ꞌunánun, quirica pan mi buánmin. Axa Jesucristomi catamëcë unicamax ca Nucën Papa Dios, axa bamatimoi tsócë, aín uni ꞌicën. Aín unicama cupíshi ca camabi unin uisa cara Nucën Papa Dios ꞌicë quixun ꞌunánan uisax cara uni ainan ꞌiti ꞌicë quixun ꞌunánti ꞌicën. Atu cupíshi ca bëtsi unicaman ënë ñucamax ca asérabi ꞌicë quixun manutima ꞌicën.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

Santiago 3:9

Nun ana anúnu banacë, anúnbi cananuna Nucën ꞌIbu Dios rabin, anúnribi cananuna uni, a Nucën ꞌIbu Diosan asaribi oquin unio ꞌicëbi ami nishquin ami ꞌatimati banaquin ñu cain.

1 Pedro 2:22

Cristonën ca uisa ñu ꞌatimabi ꞌama ꞌicën. ꞌAnan ca uisaquinbi uni paránma ꞌicën.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

1 Juan 3:5

Camina ꞌunanin, unin ꞌuchacama tërë́nux ca Jesucristo uacëxa, ax uisa ꞌuchañumabi ꞌixun.

1 Juan 3:7

ꞌËn bëchicësa ꞌicë, cana mitsu cain, unin paráncë camina ꞌitima ꞌain. An upí ñu ꞌacë uni ax ca Jesucristosaribi ꞌaish aín nuitu upí ꞌicën.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.

1 Juan 5:17

Camabi ñu ꞌatima ꞌacë ax ca ꞌucha ꞌicën. Bëtsi bëtsi ꞌucha ca uisoxunbi tërëcaisama ꞌicën. Usa ꞌaínbi ca camabi ꞌuchax tërëcaisamama ꞌicën.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.

3 Juan 1:4

Bëtsi bana ñuia cuati ꞌicësamaira oi cana mixmi ꞌicësaribitia axa ꞌën bëchicësa unicamaxribi Nucën Papa Dios cuëëncësabi oi ꞌia ñuia cuati cuëënin.