1 Juan 1:8 - Kashibo-Kakataibo Biblia

⁸ —ꞌËx cana ꞌuchañuma ꞌai —qui cananuna nuxbi cëmëin. Usa ꞌain ca nun bana asérabima ꞌicën.

Nukën 'Ibu Diosan ain unikama 'inan ain bana

⁸ —'Ëx cana 'uchañuma 'ai —qui cananuna nuxbi cëmëin. Usa 'ain ca nun bana asérabima 'icën.

1 Juan 1:8 Iomraidhean Croise

1 Reyes 8:46

ꞌImainun kamina kamabi menu ꞌikë unix ꞌikësaribitia mimi ꞌuchaia atumi xuamati nishkin axa atubë nishanankë unikaman ñusma oxun ꞌatankëxua raíri bitankëxun atux anu ꞌikë ëma ꞌura buananbi urairama ëmanu buánkëxuan,

Job 14:4

Uínbi ka bëtsi uni asérabi upí ꞌinun ꞌatima ñunua mënioima, usa ꞌain ka kamabi unix aín titan tuákë ꞌikën.

Isaías 53:6

Kamabi nukamax kananuna ovejakama nëtë́kësa ꞌinun, nukamax achúshi achúshinëx nun kuëënkësoishi niakën, ꞌaínbi ka Nukën ꞌIbun ainansa ꞌikë nun ñu ꞌatima ꞌakëkama kamabi nukamanua mëníokëxa.

Isaías 64:6

Kamabi nux kananuna uni achúshi upíma chuakë usaribi ꞌain; kamabi nun ꞌakë ñu upíkama ax ka chupa chua usaribi ꞌikën; ꞌimainun kananuna nukamax pëi chushitankëx rëukubukë usaribi ꞌain, ꞌianan ka nun uni rëtëkë ax ka nun ñu ꞌatimaira ꞌakin, a tanti bana kikësokin ꞌakinma uni ꞌakë ax suñun kuainkin pëi pukë usaribi ꞌinun nu ꞌimia.

Jeremías 2:35

ꞌAínbi ka usakin a ñukama axi atux kia: Nukamax kananuna ñu ꞌatima ꞌai ꞌuchama ꞌain. Nukën ꞌIbu Dios ka bërí numi nishima. Asábi ka usai ki kamina ismina ꞌuchakëma ꞌai kiax kikanin, usa ꞌain kamina ëbëtan anuxun bana mëníokë anuxun mëníoti ꞌain.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

Romanos 3:10

Nucën Papa Diosan bana cuënëo ca quia: An ñu upíshi ꞌacë uni ca ꞌaíma ꞌicën, achúshirabi.

Romanos 3:23

Camabi unix ca Nucën Papa Diosan iscëx ꞌuchañu ꞌicën. Upíira ꞌinuan Nucën Papa Diosan unio ꞌaíshbi ca usama ꞌicën.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

Gálatas 6:3

Ui unin cara asérabi upí ꞌixunmabi ax isa upí uni ꞌicë quixun sinania, ax ca aín sinanëinshi cëmëia.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

Santiago 1:22

Usa ꞌain camina mitsun pabitainshi cuaquinma upí oquin sinánquin a bana quicësabi oquin ꞌati ꞌain. Usoquin ꞌacëma ꞌaish camina —ꞌëx cana Nucën Papa Diosnan ꞌai —quixun sinanibi cëmëcë mitsux ꞌiti ꞌain.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

Santiago 3:2

Camaxunbi cananuna ñu ꞌaisama ꞌain. Axa uisaíbi ꞌatimati banacëma uni ax ca asérabi upí uni ꞌicën. A unin ca ꞌatimati banatisa tanquinbi tënëti ꞌunáncë ꞌixun uisa ñu ꞌatima ꞌati cara sinania, abi tënëti ꞌicën.

2 Pedro 2:13

An bëtsi uni tëmëramicë cupí ca usaribiti tëmërai bamati ꞌicën. Atun ca —camabi nëtën nun cuëëncë ñu ꞌai cananuna cuëëinshiti ꞌai —quixun sinania. ꞌAisama ñu ꞌatishi sináncë ꞌaish ca usai ꞌi cuëënia. Mitsux Nucën Papa Dios rabinux timë́cë ꞌain, mitsubëtan pibi ca atux ñu ꞌatima ꞌai cuëënia. Ax ca ꞌaisama ꞌicën. Usa ꞌaish ca a unicamax axa Jesucristomi sináncë unisama ꞌicën.

1 Juan 1:10

Nucën Papa Diosan bana ca quia —camabi unin ca ñu ꞌatima ꞌaia —quiax. Usaía quicë ꞌaínbi —ꞌën cana ñu ꞌatima ꞌacëma ꞌai —qui cananuna —Nucën Papa Diosan bana ca cëmë ꞌicë —quicësa ꞌain. Usai quicë ꞌixun cananuna, asérabi ca aín bana ꞌicë quixun sinaniman.

1 Juan 1:6

Ñu ꞌaisama ꞌaíbi —ainan ꞌaish cana Nucën Papa Diosbë upí ꞌai —qui cananuna cëmëin. Ainan cana ꞌai quicë ꞌixunbi ax quicësabi oquin ꞌaquinma ñu ꞌatima ꞌai cananuna cëmëin.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.

2 Juan 1:2

Ainan ꞌaíshnu xënibua ꞌaínbi abë ꞌiti Jesucristo, a cupí cananuna mitsu nuibatin.

3 Juan 1:3

Axa Jesucristomi catamëcë uni raírinën ca anumi ꞌicënuax uxun ꞌë caxa, mix ismina asérabi ëníma Nucën Papa Dios cuëëncësabi oi ꞌi quixun. Usaquian cacëxun cuati cana cuëëan.