1 Juan 1:7 - Kashibo-Kakataibo Biblia

⁷ Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

Nukën 'Ibu Diosan ain unikama 'inan ain bana

⁷ Usa 'aínbi cananuna axa 'icësaribiti ñu 'atima 'ati sináncëma 'ianan Nucën Papa Diosbë upí 'aish, axa ami catamëcë unicamabëribi upiti nuibananin. Usaínu 'ia ca an, aín Bëchicë Jesucristo aín imi 'apati bama cupí, uisa ñu 'ai caranuna 'uchai, abi nu tërë́nxunia.

1 Juan 1:7 Iomraidhean Croise

Salmos 104:2

ꞌianan kamina tirítan pëkakë chupan rabumëkësaira ꞌain. ¡Min kamina chupa pëninkësa usa okinshi naí kamë ꞌëo uniokën!

Salmos 51:2

¡ꞌËn ñu ꞌatima ꞌakë a kamina ꞌë mëníoxunti ꞌain! ¡ꞌAnan kamina ꞌëx ꞌuchakëkama a ꞌë tërënxunti ꞌain!

Salmos 89:15

ꞌËn ꞌIbu Dios chuámarua ka uinu ꞌikë unikaman kara mi rabiti ꞌunánxa an mi kuëënkin rabikë ax ꞌikën. ꞌIanan ka min bana ꞌai, tirítan pëkakësa ꞌaish ꞌupitax bukukanti ꞌikën,

Isaías 2:5

¡Usa ꞌain kamina ꞌën aintsi Israel unikama mitsun kuati ꞌain, Diosan nu ꞌunánmikësabi oi kananuna ami sinánishi tsóti achúshi tirítan nu pëkakësa ꞌinun añu karanuna ꞌati ꞌai kixun ꞌunánti ꞌain!

Isaías 33:24

Usa ꞌain ka anu ꞌikë unikama: “Kana ꞌinsían kitima ꞌikën.” Diosan ka Jerusalénnu ꞌikë unikama ꞌimainun Judá menu tsókë unikama atun ꞌuchakama mëníoxunti ꞌikën.

Isaías 6:7

bëkin ka anun kuëtíkakin ꞌë kaxa: “Ka kuat, tsi ëxku ënxaira ënën kana mi kuëtikan. Usa ꞌain kamina bërí min ñu ꞌatima ꞌakë kupí ꞌuchokëma ꞌain, usa ꞌaish kamina min ñu ꞌatima ꞌai ꞌuchakëkama bërí mëníokë ꞌain.”

Amós 3:3

Achúshi achúshi ñu ꞌikë ax ka an ꞌimiti anu aia ꞌikë ꞌikën, ¿Rabë́ uníxa ënananima nikë ax kara usakin kananuna ñu ꞌati ꞌai kiax kanamaxa ꞌikë ꞌik? Usama kat;

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 12:35

Cacëxunbi ca Jesusan, ꞌëmi camina sinánti ꞌai quixun caquin ësaquin catëcëancëxa: —ꞌItsama nëtë́inshi ca an mitsu upí oquin sinánmiti, ax mitsubë ꞌiti ꞌicën. Usa ꞌain camina ax cuancëma pan ꞌain, an mitsu ꞌunánmicësabi oi ꞌiti ꞌain, ax cuancëbëmi usabi ꞌinun. A an ꞌunánmicëma uni, an ca uisai cara ꞌiti ꞌicë quixun ꞌunanima.

Juan 5:4

Caíncëxuan uisa nëtën cara ꞌibutia, a nëtën ꞌibúxun ángelnën a ꞌunpax cubínmicëbë caísa ax paían anu butucë, uisa ꞌinsínñu cara, a uníxbi pëxüacëxa.

Romanos 13:12

Jesucristo utëcëncëma pan ꞌain cananuna imë́ upí oquin isíma nicësa ꞌain. Usa ꞌaíshbi cananuna ax utëcëncëbë abë ꞌaish xabánu nicësa ꞌiti ꞌain. Usaquin sinani cananuna ñu ꞌatima ꞌati ëni ami cushicë ꞌaish xabánu nicësa ꞌiti ꞌain.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Pedro 1:19

Usama ca. Judíos unicaman aín ꞌucha cupí uisaíbi ꞌicëma carnero aín upíira rëmia ꞌaínbi ca aín imi ꞌapati Cristo bamacë a cupí mitsun ꞌucha tërë́nquin ainan ꞌinun Nucën Papa Diosan mitsu ië́miaxa.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

1 Juan 1:5

Jesucristonënbia nu pain ꞌunánmia ꞌixun cananuna ënë bana mitsu ñuixunin: Nucën Papa Dios an ca asérabi upíira ꞌixun ñu upíshi ꞌaia. An ca unë́xun ñu ꞌaima. Usa ꞌain ca uisa ꞌuchabi anu ꞌaíma ꞌicën.

1 Juan 5:6

Jesucristo ax ca axa ꞌunpaxan nashimicë ꞌianan aín imi ꞌapati bama a ꞌicën. ꞌUnpaxan nashimia ashima aín imi ꞌapati bamaribi ca ax ꞌicën. Nucën Papa Diosan Bëru Ñunshin Upitanribi ca —Jesús ax ca Cristo, asérabi Nucën Papa Diosan Bëchicë, a ꞌicë —quixun nu ꞌunánmia. Nucën Papa Diosan Bëru Ñunshin Upí ax ca Nucën Papa Diosan sinánsaribi ꞌicën.

1 Juan 5:8

Ënë menuxun Nucën Papa Diosan Bëru Ñunshin Upitan ꞌunánmicë ꞌianan Jesucristo ꞌunpaxan nashimia sinánan axa aín imi ꞌapati bama, acama sinánquin cananuna ꞌunanin, Jesús ax ca asérabi Cristo, Nucën Papa Diosan Bëchicë, a ꞌicë quixun.

2 Juan 1:4

Min tuá raírinën ca Nucën Papa Dios quicësabi oquin ꞌaia quixuan ñuicania cuati cana cuëëinra cuëëan.

3 Juan 1:4

Bëtsi bana ñuia cuati ꞌicësamaira oi cana mixmi ꞌicësaribitia axa ꞌën bëchicësa unicamaxribi Nucën Papa Dios cuëëncësabi oi ꞌia ñuia cuati cuëënin.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 7:14

Cacëxun cana can: —ꞌËn cana ꞌunaniman. Min camina ꞌunanin. Cacëxun ca ꞌë caxa: —ꞌËnë unicaman ca ami sináncë cupí ꞌaisamaira tëmëraquinbi Nucën Papa Diosmi catamëti ëncëma ꞌicën. Atux ca Carnero ꞌicësaribitia unin ꞌucha cupí aín imi ꞌapati bama, ami catamëti aín ꞌuchacama tërë́ncë ꞌaish aín nuitu upí ꞌaish chucacësa ꞌicën, aín chupa uxuira axa chuañumasa ꞌinun.