1 Juan 1:6 - Kashibo-Kakataibo Biblia

⁶ Ñu ꞌaisama ꞌaíbi —ainan ꞌaish cana Nucën Papa Diosbë upí ꞌai —qui cananuna cëmëin. Ainan cana ꞌai quicë ꞌixunbi ax quicësabi oquin ꞌaquinma ñu ꞌatima ꞌai cananuna cëmëin.

Nukën 'Ibu Diosan ain unikama 'inan ain bana

⁶ Ñu 'aisama 'aíbi —ainan 'aish cana Nucën Papa Diosbë upí 'ai —qui cananuna cëmëin. Ainan cana 'ai quicë 'ixunbi ax quicësabi oquin 'aquinma ñu 'atima 'ai cananuna cëmëin.

1 Juan 1:6 Iomraidhean Croise

Mateo 7:22

Anun ënë nëtëcama cëñúcë nëtën ca ꞌitsa unin ꞌë cati ꞌicën: Mix nun ꞌIbu ꞌain cananuna min cushínbi bana ñuixuan, min cushin ñunshin ꞌatima uninua chiquíanan cananuna min cushin uni itsin ꞌacëma ñu ꞌan.

Juan 11:10

An pëcacëa ꞌaíma ꞌain ca imë́ nitsi chacánan unin ñu mëëima. Usaribiquin cana ꞌëx anun bamati nëtëma pan ꞌain ñu ꞌati ꞌain.

Juan 12:35

Cacëxunbi ca Jesusan, ꞌëmi camina sinánti ꞌai quixun caquin ësaquin catëcëancëxa: —ꞌItsama nëtë́inshi ca an mitsu upí oquin sinánmiti, ax mitsubë ꞌiti ꞌicën. Usa ꞌain camina ax cuancëma pan ꞌain, an mitsu ꞌunánmicësabi oi ꞌiti ꞌain, ax cuancëbëmi usabi ꞌinun. A an ꞌunánmicëma uni, an ca uisai cara ꞌiti ꞌicë quixun ꞌunanima.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Juan 8:55

Ax ca Nucën Papa Dios ꞌicë quiquinbi camina mitsun a ꞌunaniman. Mitsúnmi ꞌunaniamabi cana ꞌën a ꞌunan. ꞌËn ꞌunáncëma ca ax ꞌicë quixun mitsu cai cana ꞌëxribi mitsusaribi cëmë ꞌitsían. ꞌËn cana asérabi a ꞌunan. Usa ꞌixun cana axa quicësabi oquin ꞌain.

1 Timoteo 4:2

Usai ꞌiquin ca axa cëmëcë unin bana cuati ꞌicën. A cëmëcë unicama an ca cëmë́ntapun ꞌaish cëmëquin, usai banati ca ꞌaisama ꞌicë quixun ꞌunaníma. Usa unicamax ca aránpi ꞌitsisan mëpëpëcacë́xa mocënu ñun naxcacëxunbia paë tancëma unisaribi ꞌicën.

Santiago 2:14

ꞌËn xucë́antu, an “ꞌëx cana ami catamëti Jesucristonan ꞌain” quiquinbi, Jesusan bana quicësabi oquin upí ñuishi ꞌacëma uni ax ca aín bana ñancáishi ꞌicën. ¿Usa unix cara Jesucristonan ꞌaish ië́ti ꞌic? Ca ꞌitima ꞌicën.

Santiago 2:16

sapi camina mitsu achúshinën cati ꞌain: Bërúanx ca cuantan, mina matsi ca mapút, pucháquin ca pit quixun. Usaquin caquinbi añu ñubi ꞌináncëma ꞌaish camina min bana ñancáishi ꞌaish banáinshi quicë ꞌain.

Santiago 2:18

Unin sapi ca uni itsi cati ꞌicën: Mixmi Jesucristomi cana catamëti quimainunbi cana ꞌën upí ñu ꞌain. Mixmi —Jesucristomi cana catamëti —quicëbëtanbi cana minmi upí ñu ꞌaia iscëma ꞌixun asérabi camina usa ꞌai quixun sinántima ꞌain. Usa ꞌaínbi cana ꞌën ñu upí ꞌacë ꞌixun mi ismiti ꞌain, ꞌëx cana asérabi Jesucristomi catamëcë ꞌai quixun. Usaía a uni quicë ax ca asérabi ꞌicën.

1 Juan 1:10

Nucën Papa Diosan bana ca quia —camabi unin ca ñu ꞌatima ꞌaia —quiax. Usaía quicë ꞌaínbi —ꞌën cana ñu ꞌatima ꞌacëma ꞌai —qui cananuna —Nucën Papa Diosan bana ca cëmë ꞌicë —quicësa ꞌain. Usai quicë ꞌixun cananuna, asérabi ca aín bana ꞌicë quixun sinaniman.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

1 Juan 1:8

—ꞌËx cana ꞌuchañuma ꞌai —qui cananuna nuxbi cëmëin. Usa ꞌain ca nun bana asérabima ꞌicën.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.