1 Juan 1:5 - Kashibo-Kakataibo Biblia

⁵ Jesucristonënbia nu pain ꞌunánmia ꞌixun cananuna ënë bana mitsu ñuixunin: Nucën Papa Dios an ca asérabi upíira ꞌixun ñu upíshi ꞌaia. An ca unë́xun ñu ꞌaima. Usa ꞌain ca uisa ꞌuchabi anu ꞌaíma ꞌicën.

Nukën 'Ibu Diosan ain unikama 'inan ain bana

⁵ Jesucristonënbia nu pain 'unánmia 'ixun cananuna ënë bana mitsu ñuixunin: Nucën Papa Dios an ca asérabi upíira 'ixun ñu upíshi 'aia. An ca unë́xun ñu 'aima. Usa 'ain ca uisa 'uchabi anu 'aíma 'icën.

1 Juan 1:5 Iomraidhean Croise

Salmos 139:12

usa ꞌaínbi ka bëánkibukë anbi min istisama okin ꞌë unëtima ꞌikën, ꞌianan ka bëánkibukë ax nëtësaira ꞌinun pë́kikë ꞌiti ꞌikën. ¡Min iskëx ka nëtë xabá usaribi bëánkikë ax ꞌikën!

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Isaías 2:5

¡Usa ꞌain kamina ꞌën aintsi Israel unikama mitsun kuati ꞌain, Diosan nu ꞌunánmikësabi oi kananuna ami sinánishi tsóti achúshi tirítan nu pëkakësa ꞌinun añu karanuna ꞌati ꞌai kixun ꞌunánti ꞌain!

Isaías 60:19

Usa ꞌain ka nëtë́n barin pë́kamainun, imë́ribi ꞌuxën pë́kakë ax kuëënkëma ꞌiti ꞌikën, ꞌëx mitsun ꞌIbu ꞌixun kana nëtë́tima okin mitsu pë́kati ꞌain, ꞌëx mitsun Dios ꞌixun kana ichu ichúkikësa ꞌitánun mitsu pë́kati ꞌain.

Daniel 2:22

Min kamina unían ain sinan ꞌukëmëu unántisama okin sinánkë abi ꞌunánan; bëánkibukënu ꞌikë ñu abi ꞌunánan, kamina mix an ñu pëkakë tirí usaribi ꞌain.

Juan 1:19

Usa ꞌain ca Jerusalénu ꞌicë judíos unicaman ax caraisa ui ꞌicë quixuan Juan ñucátanun, sacerdotecamacëñun levita unicama xuacëxa.

Juan 1:4

A bana anúan Nucën Papa Diosan nëtë ꞌinan ꞌaish ca camabi ñu ꞌimainun uníxribi ënë nëtënu bucuia. Usai ꞌi ca an ꞌimicëx unicama sinánñu ꞌicën.

Juan 1:9

An aín sinan upíira ꞌixun uni upí ꞌimiti axa uti ñuiquin ca Juanën unicama ñuixuancëxa.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

Juan 9:5

Ënë nëtënu ꞌaish cana ꞌëx upí oquin sinánuan, an unicama ꞌimicë a ꞌain, bëánquibucënu ꞌicësa ꞌima xabánu ꞌicësa ꞌinun.

1 Corintios 11:23

Nucën ꞌIbu Jesusan ꞌë cacë bana ñuiquin cana ësaquin mitsu can, anúan uni itsin ꞌanun quixun unin a ꞌinánti, a ñantan ca Nucën ꞌIbu Jesusan pán biacëxa.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

1 Juan 3:11

Jesucristomi catamëtabaquinbimi mitsun cua a bana ca ënëx ꞌicën, bëtsibë bëtsibë cananuna nuibananti ꞌai quicë.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.

Apocalipsis 22:5

Anu ca bëánquicë ꞌaíma ꞌiti ꞌicën. Anuxun ca Nucën ꞌIbu Diosanbi a ëma pëcati ꞌicën. Usa ꞌain ca lamparín ꞌimainun barin pëcacë anu ꞌaíma ꞌiti ꞌicën. Nucën Papa Diosbë ca anuax aín unicama xënibua ꞌaínbi ꞌapu ꞌiti ꞌicën.