1 Juan 1:2 - Kashibo-Kakataibo Biblia

² A cananuna nusaribi ꞌaish uni ꞌicë nun ꞌunáncën. Usa ꞌixun cananuna asérabi a isacën. Isá ꞌixun cananuna a mitsu ñuixunin. Ax aín Papabë ꞌitancëxbi ënë menu uá ꞌixun ca bamatimoi tsócë ꞌixun, usaribitinu abë ꞌinun nu ꞌimiti ꞌicë quixun cananuna mitsu ñuixunin.

Nukën 'Ibu Diosan ain unikama 'inan ain bana

² A cananuna nusaribi 'aish uni 'icë nun 'unáncën. Usa 'ixun cananuna asérabi a isacën. Isá 'ixun cananuna a mitsu ñuixunin. Ax aín Papabë 'itancëxbi ënë menu uá 'ixun ca bamatimoi tsócë 'ixun, usaribitinu abë 'inun nu 'imiti 'icë quixun cananuna mitsu ñuixunin.

1 Juan 1:2 Iomraidhean Croise

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 1:4

A bana anúan Nucën Papa Diosan nëtë ꞌinan ꞌaish ca camabi ñu ꞌimainun uníxribi ënë nëtënu bucuia. Usai ꞌi ca an ꞌimicëx unicama sinánñu ꞌicën.

Juan 10:28

Acama cana nëtë́timoi Nucën Papa Diosnan ꞌinun ꞌimiti ꞌain. ꞌImia ca uínbi atu ꞌë bicuantima ꞌicën.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 17:3

Ui unin cara mixëshimi asérabi Dios ꞌicë, mi ꞌunánan minmi ënë menu unun xuá, ꞌë ꞌunáncë, a unicamaxëshi ca xënibua ꞌaínbi minan ꞌaish mibë ꞌiti ꞌicën.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 19:35

Asérabi ënë ñucama isá ꞌixun cana ënë bana cuënëoin. ꞌËn cuënëocë bana ënëx ca asérabi cëmëcëma ꞌicën. Usa ca quixun ꞌunánquin cana ënë banacama mitsu cuënëoxunin, mitsúnribimi asérabi ca usai ꞌiacëxa quixun ꞌunánun.

Juan 21:14

Usai ca Jesús bamaxbi baísquitancëx rabëti pain ꞌitancëx aín ꞌunánmicë unicamami amiribishi chiquiracëtëcëancëxa.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Juan 7:29

Anuax uá ꞌixun cana ꞌën a ꞌunan. An ca ënu unun ꞌë xuacëxa.

Juan 8:38

ꞌËn Papan ꞌë ismicë ñu cana ꞌën mitsu ñuixunin. Ñuixuncëxunbi camina mitsun papan cacëxunmi cuacë ñuishi ꞌacanin.

Hechos 1:22

Usa ꞌaish ca atux Juanëan nashimia ꞌaísha ax naínu cuantamainun nubë ꞌiaxa. Usa cupí ca a unicama achúshinëxa Jesús ax ca bamatancëx baísquitëcëanxa quixun nun ꞌacësaribi oquin unicama ñuixunux nubë birananti asábi ꞌicën.

Hechos 10:41

Jesús baísquicëbi ca camabi uníinra isama ꞌicën. Nun cuni cananuna Nucën Papa Diosan, Jesús ñuiquin unicama bana ñuixunun bëráma caísa ꞌixun, baísquicë isanan abëtan pianan xëacën.

Hechos 2:32

Davidnën cuënëo bana quicësabi oquin ca Nucën Papa Diosan Jesús bamacëbi baísquimiaxa quixun cananuna nucamanbi ꞌunan.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 5:32

Ax ca asérabi usa ꞌicë quixun cananuna nun camabi uni cain. Nucën Papa Diosan aín bana cuacë unicama ꞌináncë aín Bëru Ñunshin Upí, anribi ca —asérabi ca usa ꞌicë —quixun uni ꞌunánmia.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

2 Timoteo 1:10

Mënío ꞌixun ca camabi unían —an ca nu nuibatia —quixun ꞌunánuan nu ië́miti Jesucristo xuacëxa. Xuá ꞌaish ca axa ami catamëcë unicamaxa ax utëcëncëbë usaribiti ꞌiti oi bamatancëxbi baísquiacëxa. Usa ꞌain cananuna ꞌunanin, ainan ꞌaish ca uni aín nëtënu cëñútimoi abë ꞌiti ꞌicë quixun.

Tito 1:2

Usa ꞌixun cana ainan ꞌaish ca uni xënibua ꞌaínbi aín nëtënu abë ꞌiti ꞌicë quixun unicama ꞌunánmin. Ax asérabi cëmëma ꞌaish ca Nucën Papa Dios bëráma, me ꞌimainun camabi ñu uniosama pain ꞌaíshbi, ësai ca ꞌën unicama ꞌën nëtënu ꞌëbë ꞌiti ꞌicë quiax quiacëxa.

1 Pedro 5:1

Axa Jesucristomi catamëcë unin cushicamasaribi cana ꞌëx ꞌain. Usa ꞌixun cana atúan ꞌacësaribi oquin Cristo camabi unin ꞌucha cupía tëmëra, a ñuiquin bana ñuixunin. ꞌAnan cana atúxa ꞌicësaribiti Cristo utëcëncëbë aín nëtënu abë ꞌiti sinanin. Usa ꞌixun cana axa Jesucristomi catamëcë unin cushicama mitsu ësaquin cain:

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.

1 Juan 3:5

Camina ꞌunanin, unin ꞌuchacama tërë́nux ca Jesucristo uacëxa, ax uisa ꞌuchañumabi ꞌixun.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

1 Juan 4:2

Ësaquin camina ꞌunánti ꞌain, ui unix cara Nucën Papa Diosan Bëru Ñunshínñu ꞌicë quixun: An —Jesucristo ca uni ꞌinux uacëxa —quixun asérabi ꞌunáncë uni, an ca Nucën Papa Diosan Bëru Ñunshin Upitan anu ꞌixun ꞌunánmicëxun usaquin ꞌunania.

1 Juan 5:11

Nucën Papa Dios ca quiacëxa, aín Bëchicëmi catamëcë cupí cananuna an ꞌimicëx ainan ꞌaish xënibua ꞌaínbi abë ꞌiti ꞌai quiax.

1 Juan 5:13

Aín Bëchicëmi catamëcë ꞌaish camina ainan ꞌaish Nucën Papa Diosbë xënibua ꞌaínbi ꞌiti ꞌai quixunmi ꞌunánun cana ënë ñucama mitsu cuënëoxunin.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.