Lucas 10:7 - Nukën 'Ibu Diosan ain unikama 'inan ain bana

⁷ Camina xubu itsi xubu itsinu 'ibë́quintima 'ain, anu paínmi atsíncë xubu anuishi camina ñantan ñantan 'uxti 'ain. Anuxun camina piti ñu 'imainun xëati ñu a anu 'icë xanúan mitsu 'ináncëxun piti 'ain. An ñu mëëxuncë uni a ca an ñu mëëmicë unin cupíoia. Usa 'ain camina atúan mitsu 'ináncë ñu a piishiti 'ain.

Kashibo-Kakataibo Biblia

⁷ Camina xubu itsi xubu itsinu ꞌibë́quintima ꞌain, anu paínmi atsíncë xubu anuishi camina ñantan ñantan ꞌuxti ꞌain. Anuxun camina piti ñu ꞌimainun xëati ñu a anu ꞌicë xanúan mitsu ꞌináncëxun piti ꞌain. An ñu mëëxuncë uni a ca an ñu mëëmicë unin cupíoia. Usa ꞌain camina atúan mitsu ꞌináncë ñu a piishiti ꞌain.

Lucas 10:7 Iomraidhean Croise

Marcos 6:10

Ësaquinribi ca cacëxa: —Uinu 'icë unin xubunu caramina anu 'inux atsini, anuishi camina ñantan ñantan 'uxti 'ain, anúnmi a ëmanuax cuanti nëtëa utámainun.

Lucas 10:6

A xubunu 'icë unin mitsubë upí 'ixun mitsun bana cuati ca mitsúxmi anu 'ain cuëëni chuámashi 'iti 'icën. 'Aínbi ca mitsubë upí 'iisama tanquian an mitsun bana cuaisama tancë unicamax usai 'itima 'icën.

Lucas 9:4

Uinu 'icë unin xubunu caramina anu 'inux atsini, anuishi camina ñantan ñantan 'uxti 'ain, anúnmi a ëmanuax cuanti nëtëa utámainun.

Hechos 16:15

Sinánmicëx Jesucristomi catamëti ca Lidia, aín xubunu 'icëcamabë, nashimicë 'iacëxa. Nashimicë 'ixun ca nu cacëxa: —Mitsun, 'ëx cana asérabi Jesucristonan 'ain quixun sinani camina 'ën xubunu 'iti 'ain. Usaquin nu caía nux anu 'iti cuëëncëbë cananuna anu 'iacën.

Hechos 16:34

Usa 'ixun ca an sipuacë unicama bërúancë unin aín xubunu buánxun Pablocëñun Silas pimiacëxa. Usocëx ca a unibë aín xubunua 'icë aín aintsi 'ibucamaxribi Nucën Papa Diosmi catamëti ainan 'aish, chuámashirua tani cuëëancëxa.

Hechos 16:40

Usaquian cacëx sipunuax chiquíquiani ca Lidianën xubunu cuancëxa. Cuanx atsínquinbi ca axa Jesucristomi catamëcë unicama anu timë́cë isquin upí oquin 'ësëtancëx anuaxribi cuancëxa. Tesalónica ëmanuaxa unicama tsuáquirua

Gálatas 6:6

An Nucën Papa Diosan bana 'unánmicë uni a ca a 'unánmicë unin cupíoquin uisa ñuñu cara, a mësú 'inánti 'icën.

1 Timoteo 5:13

'Ianan ca usa xanux ñu mëëtisama tani chiquishi, bëtsi bëtsi xubunu atsínbëquinquin bana ñuibëquini niti 'icën. Nianan ca a ñuitima ñuribi ñuiti 'icën.

2 Timoteo 2:6

Ësaribi ca. An ñu mëëcë unínribi ca aín naënu ñu 'apáxun mëníoquin, ax paían 'icëcama a ainan 'inun cuëënquin bitsia.