Juan 21:16 - Nukën 'Ibu Diosan ain unikama 'inan ain bana

¹⁶ Catancëxun ca amiribishi cacëxa: —Jonásnën bëchicë, Simón, ¿caramina 'ë nuibatin? Cacëxun ca catëcëancëxa: —'Ën 'Ibu, min camina 'unanin, 'ën cana mi nuibatin. Quia ca cacëxa: —'Ën carnero ca piminuxun 'at.

Kashibo-Kakataibo Biblia

¹⁶ Catancëxun ca amiribishi cacëxa: —Jonásnën bëchicë, Simón, ¿caramina ꞌë nuibatin? Cacëxun ca catëcëancëxa: —ꞌËn ꞌIbu, min camina ꞌunanin, ꞌën cana mi nuibatin. Quia ca cacëxa: —ꞌËn carnero ca piminuxun ꞌat.

Juan 21:16 Iomraidhean Croise

Mateo 2:6

Belén, Judá menu 'icë ëma, anu 'icë uni achúshi ax 'apu 'ixun ca 'ën unibu, Israelnën rëbúnquicama, a bërúanquin 'aquinuxun 'aia. Usa 'ain ca Belén ax bëtsi ëmacamasama 'icën.

Mateo 25:32

'Ëx usa 'ain ca camabi menu 'icë unicama 'ën ángelcaman bëcëx 'ënu timë́cë 'iti 'icën. Anua timë́cë isquin cana 'ën unicama amo sëtënánan 'ënanma unicama amoribi sëtënati 'ain, an 'aracacë ñuina unin aín carnerocama amo bucunanan aín chivocama amo bucunacësaribi oquin.

Mateo 26:72

Cacëxun ca Pedronën amiribishi catëcëancëxa: —'Ën cana a uni 'unaniman. Nucën Papa Diosan ca 'unania, 'ën mi cacë ënëx ca asérabi 'icën.

Lucas 19:10

'Uchañu unicama ainanma 'icëbi aín 'ucha tërë́ncë 'ianan ainan 'inun ië́minux, cana Nucën Papa Diosnuax uni 'inux uacën.

Juan 18:17

Atsínmia ca an xëcuë bërúancë xanun Pedro cacëxa: —¿Bëría bëcancë uni an 'unánmicë unicama a achúshima caramina mix 'ain? Cacëxun ca Pedronën cacëxa: —Ama cana 'ain.

Juan 18:25

Usomainun ca Simón Pedro tsimi sënamëti 'iacëxa. Sënamëtia ca ñucácancëxa: —¿Mixribi caina ënë unin 'unánmicë uni achúshima 'ain? Cacëxunbi ca —ama cana 'ai —quixun cacëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina 'ë nuibatin? Rabë́ 'imainun achúshi oquian —caramina 'ë nuibati —quixun cacëxun ca Simón Pedronën —¿uisoti cara 'ë 'itsoquin ñucatia? —quixun sinani masá nuituquin cacëxa: —'Ën 'Ibu, min camina camabi ñu 'unanin. Usa 'ixun camina 'ën cana mi nuibati quixun 'unanin. Quia ca Jesusan cacëxa: —'Ën carnero ca piminuxun 'at.

Hechos 20:28

Usa 'ain camina mitsun mina ñu 'aisama 'ai bërúancati 'ain. Bërúancanan camina axa Jesucristomi catamëcë unicamaribia upí 'inun bërúanti 'ain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu 'imiaxa. A unicamax ca axa bama cupí Nucën 'Ibu Jesucristomi catamëcë 'aish aín uni 'icën.

Hebreos 13:20

Nucën Papa Dios, an aín unicama abë upí 'inun 'imicë, an ca Nucën 'Ibu Jesucristo, an aín unicama bërúainracë, a bamacëbi baísquimiacëxa. An Jesús aín imi 'apati bamacë cupí nun 'uchacama tërë́nquin nux xënibua 'aínbi ainan 'inun 'imicë,

1 Pedro 2:25

Carneronëxa 'ibuñuma 'aish 'icësari camina mitsux 'iacën. Usa 'iá 'aíshbi camina sinanati Cristomi catamëan. Amia catamëcëxuan aín 'ibun carnero bëruancësa oquin ca an upími 'inun mitsu bërúanquin 'aquinia.

1 Pedro 5:2

Atun cushicama 'ixun camina Nucën Papa Diosan unicama bana ñuixunquin, atúxa upí nuituñu 'aish chuámarua bucunun 'aquinti 'ain. An carnero bërúancë unin aín carnero 'acësaribi oquin camina a unicama upía 'inun bërúanti 'ain. Usoquinmi 'anúan mitsu unin caíscë cupíshima camina asérabi 'aisa tanquin 'ati 'ain. 'Anan camina curíqui biti sinánxuinshima minbi asérabi 'aquinsa tanquin 'ati 'ain.