Juan 11:11 - Nukën 'Ibu Diosan ain unikama 'inan ain bana

¹¹ Usaquin caquin ca Jesusan amiribishi aín 'unánmicë unicama cacëxa: —Nuxnu abë nuibanancë Lázaro ca 'uxaxa. A bësuni cana cuanin.

Kashibo-Kakataibo Biblia

¹¹ Usaquin caquin ca Jesusan amiribishi aín ꞌunánmicë unicama cacëxa: —Nuxnu abë nuibanancë Lázaro ca ꞌuxaxa. A bësuni cana cuanin.

Juan 11:11 Iomraidhean Croise

Mateo 27:52

Tuquimainun ca mapara quiniocë anu uni bamacë mëníocëcama axribi turabëacëxa. Turabëcëbë ca anuax Nucën Papa Diosnan 'aísha bama unicamax baísquiacëxa.

Mateo 9:24

Usaria isquin ca Jesusan cacëxa: —Ënuax ca chiquít. A xu xanu ca bamacëma 'icën. Ca 'uxaxa. Ësaquian cacëxunbi ca 'usáncancëxa.

Marcos 5:39

Rarumabatiabi ca xubunu atsínquin cacëxa: —¿Uisacatsi caramina masá nuituti rarumati shaquiquin? Xu xanu ca bamacëma 'icën, ca 'uxaxa.

Juan 11:10

An pëcacëa 'aíma 'ain ca imë́ nitsi chacánan unin ñu mëëima. Usaribiquin cana 'ëx anun bamati nëtëma pan 'ain ñu 'ati 'ain.

Juan 11:12

Asérabi ca Lázaro bamaxa quixun 'unánquinbi ca —ca 'uxaxa —quixun cacëxa. Usaquian Jesusan cacëx ca atux, asérabi 'uxcë ñuisa quia quixun sinani, quiacëxa: —'Uxcë 'aish ca pëxcúti 'icën.

Juan 11:3

Usa 'ixun ca aín chirabacë rabëtan —axa mibë nuibanancë uni ca 'insíanxa —quixuan Jesús catánun uni xuacëxa.

Juan 3:29

Ësa ca. Ainan 'inúan unin bicëx ca xanu ainan 'ia. Ainan 'iti xanu bitsia uni cuëëni banaia cuati ca axa abë nicë uníxribi cuëënia. Usaribiti cana 'ëx —unicaman ca Jesusan bana cuatia —quixunmi mitsun 'ë cacëxun cuati chuámarua tani cuëënin.

Hechos 7:60

Catancëx rantin purúnxun ca munuma banaquin Nucën 'Ibu Jesús catëcëancëxa: —Atúxa ësari 'uchaiabi camina 'ënun rabanan uisabi otima 'ain. Ësai quíshi ca bamacëxa.

1 Corintios 15:18

Cristo baísquiama 'ain ca axa ami catamëti bama unicamax abëma 'itsíanxa.

1 Corintios 15:34

Micama raírinën uisai 'iti cara Nucën Papa Dios cuëënia quixun sináncëma 'ixun camina ñu 'atima 'ain. Ñu 'atima 'acë 'aíshmi rabínun quixun cana ësaquin mitsu cain. Usa 'ain camina ami sinanati ax cuëëncësabi oi 'iquin ñu 'atima 'atima 'ain.

1 Corintios 15:51

Unin 'unánma ñu cana mitsúnmi 'unánun quixun ësaquin ñuin, camáxira cananuna bamatima 'ain. Bamacëma 'aíshbi cananuna camáxbi bëtsi 'iti 'ain.

Efesios 5:14

Usa 'ain ca ësai Nucën Papa Diosan bana cuënëo quia: 'Uxcësa 'aíshbi bësucësa 'inux ca Cristomi catamët. Ainanma 'aish min 'ucha cupí bamacësa 'aíshbi ca Cristomi catamëti ië́t. Usa 'icë ca min ñu 'aisama 'acëcama ëmianan mix asaribi upí 'inun 'imiti 'icën.

1 Tesalonicenses 5:10

Jesucristo ax ca nuxnu bamacëma pain 'aish abë 'ianan bamatancëxbi abë tsónun nu cupí bamacëxa.

Santiago 2:23

Nucën Papa Diosan bana cuënëo axa a ñui quicësabi oi ca Abraham 'iacëxa, ësai quicë: “Nucën Papa Diosan ca aín quicësabi oquin 'ati 'icë quixun 'unani ca Abraham ami catamëacëxa. Usaía 'icë cupí ca Nucën Papa Diosan iscëx Abraham upíira uni 'iacëxa”. Usa 'icë ca Abraham unin, Nucën Papa Diosbë nuibanancë uni caquin anëacëxa.