Mateo 21:42 - El Nuevo Testamento

⁴² Despues ya habla si Jesus canila, “Nuay ba ustedes lee si cosa ta habla este parte del Sagrada Escritura de Dios que ta habla, ‘El piedra que el maga trabajador nuay accepta, amo el que ya queda mas importante na casa. Ya sucede ese cay ese el querer de Dios, y maca espantar gayot si ta mira kita.’

Mateo 21:42 Iomraidhean Croise

Mateo 21:43

“Ahora ta habla yo con ustedes maga Judio que nuay mas ustedes el oportunidad para tene parte na Reino de Dios, sino Dios ay dale aquel oportunidad con el maga gente quien ta obedece con ele.

Maga Apostoles 4:11

El Sagrada Escritura ya habla por causa di Jesus con quien ustedes ya desprecia, ‘El piedra que el maga trabajador nuay accepta amo el que ya queda el mas importante na casa.’

Roma 9:33

El maga palabra de Dios escribido na Sagrada Escritura ta habla ya acerca de ese piedra: “Atende enbuenamente! Ay pone yo un piedra na Zion, un pueblo del maga Judio, y el maga gente ay man tisut con ese. Pero si quien ta confia con ese, hende ay queda desconsolao.”

Efeso 2:20

Este familia de Dios como si fuera un casa plantao na fundacion, y ese fundacion amo el mensaje del maga apostoles y maga profeta, y si Jesucristo mismo amo el piedra principal de ese casa.