Mateo 21:11 - El Nuevo Testamento

¹¹ Mucho gente quien ta sigui con Jesus ya contesta, “Este el profeta Jesus de Nazaret na Galilea.”

Mateo 21:11 Iomraidhean Croise

Mateo 2:23

Entonces en vez de andar canda Jose na Judea, ya anda sila na Nazaret, un pueblo na region de Galilea. Y por causa de ese ya cumpli gayot el cosa ya habla el maga profeta, “Ay llama con ele el Nazareno.”

Mateo 21:10

Cuando ya llega si Jesus na Jerusalem, el maga gente del ciudad ya queda espantao y ta man preguntajan sila, “Quien man gaja ese?”

Mateo 21:26

Pero si ay habla kita ese autoridad ya sale na gente lang, maca miedo kita, cay todo el maga gente ta cree que si Juan el profeta de Dios.”

Mateo 21:46

Entonces ta precura era sila arresta con Jesus, pero tiene man sila miedo con el maga gente cay el maga gente ta pensa que ele uno del maga profeta.

Marcos 6:15

Tiene tamen ta habla, “Amo ese si Elias.” Otros tamen ta habla, “El profeta dao ese, como uno del maga profeta de antes.”

Lucas 13:33

Necesita yo continua el di mio caminada este dia, mañana, y pasao mañana, cay hende conviene el profeta muri afuera de Jerusalem.

Lucas 24:19

Y ya habla le canila, “De cosa?” Ya contesta sila, “Aquel maga cosas ya pasa con Jesus de Nazaret, aquel profeta gayot quien tiene gran poder na vista de Dios para enseña hasta para hace milagro. Todo el maga gente ya puede tamen mira que tiene le poder de Dios.

Lucas 7:16

Por causa de ese suceso ya entra el miedo con el maga gente, pero ta alaba gayot sila con Dios y ta habla, “Taqui ya canaton un gran profeta.” Y ta habla tamen sila, “Dios ya llega ya para salva el di suyo nacion Israel.”

Lucas 7:39

Cuando aquel Pariseo ya mira el cosa ya hace el mujer, ya habla le con ele mismo, “Entonces este gente hende deverasan profeta, cay ele ay sabe gayot era que este quien ta agarra su pies un mala mujer.”

Juan 1:21

Despues ya pregunta sila, “Si ansina, quien man gale uste? Si Elias ba?” Ya contesta si Juan, “Hende yo si Elias.” Y ya pregunta ya tamen sila con ele, “Uste ba el profeta que Dios ya promete para manda con el di aton nacion?” Ya contesta otra vez si Juan, “Hende yo aquel profeta.”

Juan 1:25

y ya pregunta el maga mensajero con Juan, “Si uste hende el Cristo, ni si Elias, ni aquel profeta, porque man uste ta bautisa con el maga gente?”

Juan 4:19

Ya habla el mujer, “Ay Señor! Un profeta gale uste!

Juan 6:14

Que bien espantao gayot el maga gente cuando ya mira sila aquel milagro ya hace si Jesus, y ya habla sila, “Ele ya gayot aquel profeta quien ay necesita vene aqui na mundo.”

Juan 7:40

Cuando el maga gente ya oi el cosa ya habla si Jesus, tiene di ila ya habla, “Este gente amo ya gayot aquel profeta con quien ta espera kita.”

Juan 9:17

Poreso el maga Pariseo ya pregunta ya tamen ole con el estaba bulak, “El di tuyo maga ojos amo el ya cura le, entonces cosa tu puede habla acerca di suyo?” Ya contesta el gente, “Si para conmigo, un profeta gayot ele.”

Maga Apostoles 7:37

Amo ya ese que ya habla si Moises con el maga gente de Israel, ‘Dios ay escoje un profeta na di ustedes nacion como ya escoje le conmigo.’