Lucas 9:19 - El Nuevo Testamento

¹⁹ Ya contesta sila, “Si Juan el Bautista dao. Otros ta habla que uste el profeta Elias, y tiene tamen maga otros ta habla que uste uno del maga profeta de antes quien ya resucita.”

Lucas 9:19 Iomraidhean Croise

Mateo 14:2

y ya habla le con el di suyo maga ayudante, “Ese ya gaja si Juan el Bautista quien ya resucita gayot na lugar del maga muerto, y poreso tiene gane le el poder para hace maga milagro.”

Mateo 3:1

Durante aquel tiempo ya llega si Juan el Bautista y ta predica le na desierto de Judea. Y ta habla le,

Marcos 6:14

El Rey Herodes ya puede sabe si cosa ya hace el maga dicipulo di Jesus, cay su nombre ya queda gayot mentao na entero lugar. Tiene del maga gente ta habla, “Ese gente si Juan el Bautista gaja, quien ya resucita ya, poreso tiene gane le el poder para hace maga milagro.”

Marcos 6:15

Tiene tamen ta habla, “Amo ese si Elias.” Otros tamen ta habla, “El profeta dao ese, como uno del maga profeta de antes.”

Lucas 9:18

Un dia cuando si Jesus solo lang ta reza, el di suyo maga dicipulo ya atraca con ele. Ya pregunta si Jesus canila, “Quien man yo que ta pensa el maga gente?”

Lucas 9:20

Despues ya pregunta le canila, “Pero si para con ustedes, quien man gayot yo na di ustedes pensamiento?” Ya contesta si Pedro, “Uste el Cristo con quien Dios ya escoje para reina.”

Juan 1:21

Despues ya pregunta sila, “Si ansina, quien man gale uste? Si Elias ba?” Ya contesta si Juan, “Hende yo si Elias.” Y ya pregunta ya tamen sila con ele, “Uste ba el profeta que Dios ya promete para manda con el di aton nacion?” Ya contesta otra vez si Juan, “Hende yo aquel profeta.”

Juan 1:25

y ya pregunta el maga mensajero con Juan, “Si uste hende el Cristo, ni si Elias, ni aquel profeta, porque man uste ta bautisa con el maga gente?”

Juan 7:40

Cuando el maga gente ya oi el cosa ya habla si Jesus, tiene di ila ya habla, “Este gente amo ya gayot aquel profeta con quien ta espera kita.”

Juan 9:17

Poreso el maga Pariseo ya pregunta ya tamen ole con el estaba bulak, “El di tuyo maga ojos amo el ya cura le, entonces cosa tu puede habla acerca di suyo?” Ya contesta el gente, “Si para conmigo, un profeta gayot ele.”