Lucas 6:12 - El Nuevo Testamento

¹² Durante aquel tiempo si Jesus ya anda na gulut para reza con Dios, y ya esta le alla entero noche.

Lucas 6:12 Iomraidhean Croise

Mateo 5:1

Cuando ya mira si Jesus con el manada de gente, ya subi le na monte, y cuando ya senta le, el di suyo maga dicipulo ya atraca con ele.

Mateo 6:6

Pero si ta reza ustedes, entra na di ustedes cuarto, cerra el puerta, y reza con el di ustedes Padre Celestial, con quien no puede ustedes mira. Y el di ustedes Padre Celestial, quien sabe todo el deseo di ustedes, amo ay dale con ustedes recompensa.

Marcos 1:35

Ala mañana antes de madrogada ya levanta si Jesus, y ya anda le reza na lugar donde nuay gente.

Marcos 3:13

Despues ya subi si Jesus na un monte, y ya llama le con quien ele quiere, y ya anda sila con ele.

Marcos 6:46

Despues de dispidir le con el maga gente, ya anda ya le na un monte para reza.

Lucas 5:16

Pero si Jesus ya sale canila y ya anda para reza na un lugar donde nuay gente, como ese el di suyo costumbre.

Lucas 6:11

Pero el maga Pariseo y el maga maestro Judio ya queda rabiao gayot, y ya principia sila planea el cosa malo para hace con Jesus.

Lucas 6:17

Despues cuando ya abaja si Jesus junto con su maga apostoles, ya descansa anay sila na patak junto tamen con el montonada del di suyo maga siguidores. Tiene alla un manada de gente quien ya sale na Judea y na Jerusalem, y ya sale tamen na Tiro y Sidon, dos ciudad cerca na mar.

Lucas 9:18

Un dia cuando si Jesus solo lang ta reza, el di suyo maga dicipulo ya atraca con ele. Ya pregunta si Jesus canila, “Quien man yo que ta pensa el maga gente?”

Lucas 9:28

Despues de maga ocho dias si Jesus ya lleva con Pedro, con Santiago y con Juan, y ya subi sila na un monte para reza.

Lucas 9:29

Mientras si Jesus ta reza, ya tene cambio el ichura del di suyo cara, y el di suyo ropa ya queda bien masilao.

Juan 6:3

Despues si Jesus pati el di suyo maga dicipulo ya subi na un monte y ya senta alla.

Colosas 4:2

Continua reza pirmi, y al rezar tene cuidao para ustedes esta siempre alerto, y dale gracias con Dios.

Hebreo 5:7

Cuando si Jesucristo taqui pa na mundo, ya reza le con voz suena y con lagrimas y ya suplica con Dios quien puede salva con ele de murir. Y Dios ya oi el di suyo rezo cay si Jesucristo quiere gayot obedece el deseo de Dios.