Lucas 24:52 - El Nuevo Testamento

⁵² El maga apostoles ya adora dayun con ele. Despues ya bira sila ole para na Jerusalem con alegria grande.

Lucas 24:52 Iomraidhean Croise

Mateo 28:17

Cuando ya mira sila con ele, el mayor parte di ila ya adora con ele, pero el los demas ta duda pa.

Mateo 28:9

Derrepente ya aparece si Jesus enfrente canila, y ya habla, “El paz de Dios esta con ustedes.” Y ya atraca sila con ele, y ya hinca na di suyo presencia, y mientras ta agarra sila el pies di suyo, ta alaba sila con ele.

Lucas 24:51

Mientras ta dale le bendicion canila, ya desaleja le canila y ya subi para entra ya na cielo.

Lucas 24:53

Y pirmi sila talla na templo para dale gracias con Dios.

Juan 14:28

Ya oi man ustedes conmigo habla que ay sale yo aqui con ustedes, y ya oi ya man tamen ustedes que ay bira yo ole aqui con ustedes. Si tiene ustedes el verdadero amor para conmigo, ay queda era ustedes alegre cay ta volve ya yo con el di mio Padre, y ele mas importante que conmigo.

Juan 16:22

Ansina tamen ay pasa con ustedes. Ahora bien triste ustedes cay ay sale ya yo, pero al birar yo otra vez ay queda ustedes alegre y nuay ningunos quien ay puede quita ese alegria con ustedes.

Juan 16:7

Pero ta habla gayot yo el verdad, masquin ay sale man yo na junto di ustedes, mas bueno ese para con ustedes, cay si hende yo ay sale aqui, no puede vene aquel Consejero quien ay ayuda con ustedes. Pero si ay sale yo, ay puede yo manda con ele vene aqui con ustedes.

Juan 20:28

Ya contesta si Tomas con ele, “Uste gane mi Señor y mi Dios!”

Maga Apostoles 1:12

Despues el maga apostoles ya sale na Monte de Olivo y ya bira na ciudad de Jerusalem, que tiene el distancia de un kilometro′y media lang.

1 Pedro 1:8

Ustedes ta ama con Jesucristo masquin nuay pa gayot ustedes mira con ele hasta ahora. Y ta cree y ta obedece ustedes con ele masquin nuay pa ustedes mira con ele. Bien alegre gayot ustedes, y ese alegria no puede expresa con maga palabra,