Lucas 21:25 - El Nuevo Testamento

²⁵ “Tiene tamen maga señales que puede ustedes mira na sol, na luna, y na estrellas. Todo el maga nacion aqui na mundo ay pasa grande afliccion, y el maga gente ay tene gayot miedo por causa del bien grande rumor del maga marijada na mar.

Lucas 21:25 Iomraidhean Croise

Mateo 24:29

“Apenas acaba el calamidad de aquel maga dias, el sol ay oscurecia y el luna hende na ay dale claridad, y el maga estrellas na cielo ay cae. Y todo el maga elementos que talla na cielo ay man uyuk gayot.

Mateo 27:45

Cuando ya llega el medio dia, ya queda gayot oscuro entero lugar, hasta alas tres del tarde.

Marcos 13:24

“Durante el tiempo despues del calamidad, el sol ay oscurecia y el luna hende na ay dale claridad.

Marcos 13:26

Despues ay mira sila con el Hijo del Hombre quien ay vene envuelto de celaje, con grande poder y resplandor.

Marcos 15:33

Cuando ya llega el medio dia, ya queda gayot oscuro entero lugar hasta alas tres del tarde.

Lucas 21:24

Tiene di ila ay muri por medio de espada na mano del di ila maga enemigo, y el maga otro ay queda arrestao y lleva canila como preso ya na otro maga nacion. El maga hende-Judio ay destrosa con Jerusalem hasta ay cumpli el tiempo que Dios ta permiti canila.

Lucas 21:26

El maga gente ay desmaya de miedo mientras ta espera pa sila si cosa pa ba ay pasa na mundo, cay todo el elementos que talla na cielo ay man uyuk y ay sale na di ila maga lugar.

Maga Apostoles 2:19

Ay manda yo mira maga milagro na cielo, y ay dale yo mira maga señales de sangre y fuego y humera espeso na mundo.

El Revelacion 20:11

Despues ya mira yo un trono blanco y grande y con el quien sentao alla. El cielo y el mundo no puede aguanta el di suyo presencia, poreso ya desaparece esos cay nuay mas lugar para de esos.