Lucas 20:17 - El Nuevo Testamento

¹⁷ Pero ya pija que pija si Jesus canila y ya habla, “Entonces cosa man ta habla este parte del Escritura de Dios: ‘El piedra que el maga trabajador nuay accepta amo el que ya queda el mas importante na casa.’”

Lucas 20:17 Iomraidhean Croise

Mateo 21:42

Despues ya habla si Jesus canila, “Nuay ba ustedes lee si cosa ta habla este parte del Sagrada Escritura de Dios que ta habla, ‘El piedra que el maga trabajador nuay accepta, amo el que ya queda mas importante na casa. Ya sucede ese cay ese el querer de Dios, y maca espantar gayot si ta mira kita.’

Marcos 10:23

Despues de salir el joven, ya mira si Jesus alrededor di suyo y ya habla con su maga dicipulo, “Que bien dificil gayot para con el maga gente rico queda un ciudadano del Reino de Dios.”

Marcos 12:10

Y nuay ba ustedes lee el cosa ta habla este parte del Sagrada Escritura de Dios: ‘El piedra que el maga trabajador nuay accepta ya queda el mas importante na casa.

Marcos 3:5

Despues ya mira gayot le alrededor canila con rabia y dolor, cay el di ila maga corazon bien duro. Y ya habla le con el gente, “Alcansa conmigo el di tuyo mano inutil.” Entonces ya alcansa le el di suyo mano inutil, y ya queda ese bueno.

Lucas 19:41

Cuando ya llega si Jesus mas cerca na Jerusalem, ya mira le con ese ciudad y ya llora le por causa de ese.

Lucas 22:37

Hace ansina cay necesita cumpli si cosa antes ya escribi acerca di mio na Sagrada Escritura: ‘Ya trata con ele como si fuera ele un criminal.’ Ahora todo el que ya escribi antes acerca di mio ta principia ya sucede.”

Lucas 22:61

Despues el Señor ya bira el di suyo cara y ya mira le con Pedro, y ya acorda gayot dayun si Pedro el maga palabra del Señor cuando ya habla le, “Antes de cantar el gallo este dia, tres veces ya ay habla tu que no conoce tu conmigo.”

Lucas 24:44

Despues ya habla le canila, “Cuando junto pa kita antes del di mio muerte, ya habla ya yo con ustedes que necesita cumpli todo el maga cosas escribido acerca di mio na ley di Moises, y el maga cosas el maga profeta ya escribi, pati el maga cosas si David ya escribi na maga cancion que ta llama Salmo.”

Juan 15:25

Ansina man gayot ese para cumpli el cosa escribido na di ila ley que ‘ya odia sila conmigo masquin nuay rason.’

Maga Apostoles 4:11

El Sagrada Escritura ya habla por causa di Jesus con quien ustedes ya desprecia, ‘El piedra que el maga trabajador nuay accepta amo el que ya queda el mas importante na casa.’

Efeso 2:20

Este familia de Dios como si fuera un casa plantao na fundacion, y ese fundacion amo el mensaje del maga apostoles y maga profeta, y si Jesucristo mismo amo el piedra principal de ese casa.

1 Pedro 2:6

Cay Dios ta habla na Sagrada Escritura, “Mira, ustedes, ta pone ya yo un piedra principal na ciudad de Zion, para aguanta el entero edificio. El di mio Hijo amo ese piedra escojido y precioso, y si quien ta cree y ta obedece con ele, este gente hende nunca ay man huya por causa del di mio Hijo.”