Lucas 2:41 - El Nuevo Testamento

⁴¹ Todo el año el tata y nana di Jesus ta anda na templo na Jerusalem para atende el celebracion que ta llama Passover.

Lucas 2:41 Iomraidhean Croise

Lucas 2:42

Cuando si Jesus doce años ya de edad, ya anda sila na celebracion como ta hace sila todo el año.

Juan 11:55

Ahora, cerca ya gayot el celebracion del maga Judio que ta llama Passover. Mucho gente de otro maga lugar ta anda na Jerusalem para cumpli el maga reglamento del di ila religion acerca del limpiesa del di ila maga cuerpo y maga ropa. Necesita sila cumpli ese maga cosas antes de participar sila na Celebracion del Passover.

Juan 13:1

Ya llega ya el bisperas del Celebracion del Passover y ya sabe si Jesus que corto ya lang el di suyo tiempo aqui na mundo, y hende mas tarda ay volve ya le alla con su Padre Celestial. Tiene le grande amor para con aquellos quien ta tene fe con ele aqui na mundo, y ahora ta demostra ya le si paquilaya de grande el di suyo amor para canila.

Juan 2:13

Cuando cerca ya el dia del Passover, aquel celebracion del maga Judio, ya anda si Jesus na Jerusalem.

Juan 6:4

Ahora, cerca ya llega el tiempo del Passover, el celebracion del maga Judio.