Lucas 2:26 - El Nuevo Testamento

²⁶ El Espiritu Santo ya manda sabe con ele que hende pa le ay muri hasta ay puede le mira con el Cristo que Dios ya promete manda aqui na mundo.

Lucas 2:26 Iomraidhean Croise

Mateo 2:12

Aquel tiempo Dios ya habla canila por medio del sueño que no gayot sila bira otra vez alla con Herodes, poreso ya pasa sila na otro camino para volve na di ila lugar.

Lucas 2:29

“Ahora, Señor, ya cumpli ya el di uste promesa, y puede ya uste manda conmigo muri contento,

Lucas 9:27

Ta habla gayot yo claro que tiene maga gente aqui quien hende pa ay muri hasta ay sabe sila que Dios amo el ta reina.”

Juan 1:41

Despues si Andres ya anda busca con su hermano si Simon, y ya habla con ele, “Ya encontra ya came con el gente con quien Dios ya escoje para reina como un rey entre el maga gente, y ele amo el Cristo.”

Juan 20:31

Pero todo el escribido aqui amo para puede ustedes cree que si Jesus amo el Cristo, el Hijo de Dios, para por medio de ese fe con ele ay tene ustedes vida eterna.

Juan 4:29

“Vene ustedes mira! Tiene alla un gente quien ya habla conmigo todo las cosas que ya hace yo, y no conoce gane came dos! Puede ser ele ya gaja el Cristo!”

Juan 8:51

Ta habla gayot yo claro, si quien ay obedece el di mio maga enseñanza hende ay muri.”

Maga Apostoles 10:38

Ustedes ya sabe acerca di Jesucristo de Nazaret, con quien Dios ya dale el poder del Espiritu Santo. Y sabe tamen ustedes que si Jesus ya anda donde donde lugar para hace cosas bueno, pati ya cura tamen ele con aquellos controlao del maga demonio, cay Dios ta esta junto con ele.

Maga Apostoles 17:3

Ta esplica le canila y ta dale tamen prueba que el Cristo necesita sufri y muri y despues resucita. Despues ya habla le, “Este persona si Jesus amo ya el Cristo.”

Maga Apostoles 2:36

“Todo el maga gente de Israel, necesita sabe que Dios ya nombra con Jesus el di ustedes Señor y Cristo, y aquel si Jesus amo con quien ustedes ya clava na cruz.”

Maga Apostoles 9:20

Ya anda le dayun na maga iglesia del maga Judio y ya principia le predica acerca di Jesus, que ese ya el hijo de Dios.

Hebreo 11:5

Si Enoc tiene tamen fuerte fe, poreso Dios ya lleva con ele para na cielo sin pasar el muerte. Y nuay mas con ele puede encontra aqui na mundo cay Dios ya saca ya con ele. El maga palabra na Sagrada Escritura ta habla que Dios ya aproba gayot con Enoc cuando taqui pa le na mundo.