Lucas 2:10 - El Nuevo Testamento

¹⁰ Pero ya habla el angel canila, “No tene miedo, cay este noche ta lleva gayot yo un Buen Noticia que ay causa grande alegria con ustedes y con todo el maga gente.

Lucas 2:10 Iomraidhean Croise

Mateo 14:27

Pero ya habla le dayun canila, “No tene miedo! Tene animo! Si Jesus lang yo!”

Mateo 28:18

Despues ya atraca si Jesus canila y ya habla, “Dios ya dale conmigo todo el poder y el autoridad para controla todo las cosas aqui na mundo y hasta na cielo.

Mateo 28:5

Pero el angel ya habla con el maga mujer, “No mas tene miedo! Sabe yo que ta busca ustedes con Jesus, quien ya muri na cruz,

Marcos 1:15

Y ta habla le con el maga gente, “Ya llega ya el tiempo para Dios ay principia ya reina. Entonces arripinti ya gayot el di ustedes maga pecado, y cree con este Buen Noticia de Dios.”

Marcos 16:15

Despues ya habla le canila, “Anda ya na entero lugar del mundo, y predica el Buen Noticia acerca di mio con todo el maga gente que Dios ya crea.

Lucas 1:13

pero el angel ya habla con ele, “No tene miedo, Zacarias, cay Dios ya oi el di tuyo maga rezo. Entonces si Elisabet ay pari un bata hombre, y pone tu su nombre Juan.

Lucas 1:19

El angel ya contesta con ele, “Yo el angel Gabriel, quien ta esta pirmi na presencia de Dios para sirvi con ele, y ele amo el quien ya manda conmigo para habla contigo este buen noticia.

Lucas 1:30

Entonces ya habla el angel, “Maria, no tene miedo, cay ya queda tu favorable na presencia de Dios.

Lucas 2:11

Este mismo noche na pueblo del Rey David, ya nace el di ustedes Salvador, y ese amo el Cristo y el Señor.

Lucas 24:47

Y por medio del di suyo nombre necesita predica con todo el maga nacion que Dios ay perdona con todo aquellos quien ta arripinti el di ila maga pecado, y necesita principia predica ese aqui na Jerusalem.

Lucas 8:1

Nuay tarda si Jesus ya camina para anda na maga pueblo pati na maga barrio, y alla si Jesus ta anuncia con el maga gente el Buen Noticia acerca del Reino de Dios. El doce dicipulo ya sigui con ele,

Maga Apostoles 13:32

Taqui ya came para habla con ustedes el Buen Noticia acerca di Jesucristo. Dios ya cumpli para el di aton provecho el cosa le ya promete con el di aton maga tatarabuelo. Y kita amo el di ila maga decendiente. Dios ya cumpli ese cuando ya hace le resucita con Jesucristo. El segundo Salmo ta habla acerca de ese: ‘Tu amo el di mio Hijo; Este dia ta declara yo que yo el di tuyo tata.’

Roma 10:15

Y paquemodo man ay puede predica el mensaje si nuay ningunos quien ay manda anda con el maga mensajero? Ta habla gane el maga palabra na Sagrada Escritura: “Que bueno gayot si tiene quien ta vene lleva el Buen Noticia.”

Efeso 3:8

Si para conmigo, yo ya gayot el mas menos de todo el maga creyente de Dios, pero ele ya dale conmigo este trabajo para predica con el maga hende-Judio el Buen Noticia del grande abundancia del maga bendicion que ta origina con Jesucristo. El pensamiento del gente no puede entende ni realiza ese abundancia.

Colosas 1:23

Y este amo el condicion: necesita ustedes continua esta fuerte na fe con ese maga cosas que ustedes ta cree ahora. No ustedes deja el esperanza que ta vene del mensaje del Buen Noticia, que ya predica ya con ustedes y con todo el maga otro gente na mundo. Y yo, si Pablo, ya queda un servidor para anda predica el mensaje de ese Buen Noticia.