Lucas 19:27 - El Nuevo Testamento

²⁷ Pero si para con el di mio maga enemigo quien no quiere que yo ay queda di ila rey, lleva con esos aqui y mata canila na di mio presencia.’”

Lucas 19:27 Iomraidhean Croise

Mateo 22:7

Cuando ya oi el rey acerca de ese, ya queda le bien rabiao y ya manda le con el di suyo maga soldao para mata con esos maga criminal, y ya manda tamen le quema el di ila ciudad.

Lucas 19:14

Ahora, su maga compoblano ta odia gayot con ele, poreso ya manda sila maga mensajero para sigui con ele, y ya habla sila, ‘No quiere came que este gente ay queda el di amon rey.’

Lucas 20:16

Asegurao ay vene le mata con ese maga trabajador y ay dale ese plantacion de uvas con otros.” Cuando el maga gente ya oi ese, ya habla sila, “Dios hende ese ay consinti!”

Lucas 21:22

cay este ya el tiempo de castigo para cumpli todo el que Dios ya habla na Sagrada Escritura.

Lucas 21:24

Tiene di ila ay muri por medio de espada na mano del di ila maga enemigo, y el maga otro ay queda arrestao y lleva canila como preso ya na otro maga nacion. El maga hende-Judio ay destrosa con Jerusalem hasta ay cumpli el tiempo que Dios ta permiti canila.

Hebreo 10:13

Y talla ya si Cristo ta espera hasta el tiempo Dios ay pone con el maga enemigo di suyo bajo mando del di suyo poder.