Lucas 17:34 - El Nuevo Testamento

³⁴ Por ejemplo si tiene dos gente ta durmi na un casa, el uno ay queda escojido y el otro ay queda dejao.

Lucas 17:34 Iomraidhean Croise

Mateo 24:25

Pone gayot atencion, ahora pa lang ta adverti ya gayot yo con ustedes acerca de este maga cosas que ay sucede.

Marcos 13:23

Entonces pone gayot atencion, cay ta adverti ya gayot yo con ustedes acerca de este maga cosas que ay sucede.

Marcos 14:29

Despues si Pedro ya habla con Jesus, “Masquin todo pa sila ay abandona con uste, pero yo hende gayot!”

Lucas 13:24

“Precura gayot entra na puerta diutay, cay ta habla yo con ustedes que mucho gente ay precura hace ajat entra, pero hende gayot ay puede.

Lucas 13:3

Hende! Pero si hende ustedes ay arripinti del di ustedes pecado, igual tamen ay muri.

Lucas 13:5

Hende! Pero si hende ustedes ay arripinti del di ustedes pecado ay muri tamen.”

Lucas 17:33

Si quien ta precura salva el di suyo mismo vida, hende le ay puede, pero si quien ta considera que el di suyo vida nuay valor por amor di mio, ele amo ay puede queda salvao.

Lucas 17:35

Y por ejemplo si tiene dos mujer ta mole galapung na un molino lang, el uno ay queda escojido y el otro ay queda dejao.

2 Pedro 2:9

Dios ya salva con Lot, poreso puede kita tene confianza que el Señor sabe salva con el maga gente bueno para escapa sila na di ila maga sufrimiento, y sabe tamen kita que ele puede guarda el castigo para con el maga mal gente hasta el dia cuando si Jesucristo ay jusga canila.