Lucas 15:22 - El Nuevo Testamento

²² Pero cuando ya llega ya sila na casa, el tata ya habla con su maga ayudante, ‘Apura todo! Lleva aqui el mas bonito ropa que tiene kita y dale con ele visti. Y pone un anillo na su dedo y pone tamen sapatos na di suyo pies.

Lucas 15:22 Iomraidhean Croise

Lucas 15:21

“Pero su anak ya habla, ‘Papa, ya peca gayot yo contra con Dios na cielo y con uste. Hende na gayot uste conviene llama pa anak conmigo.’

Lucas 15:23

Despues anda saca aquel vaquita mas gordo y mata con ese para celebra kita,

Roma 13:14

Pero deja con el Señor Jesucristo para ele amo ay queda el di ustedes defensa como el di ustedes armas, y no dale lugar con el di ustedes mal naturaleza para el di ustedes maga mal deseo ay controla con ustedes.

Roma 3:22

Dios ta considera con el maga gente como si fuera nuay sila pecado si ta tene sila fe con Jesucristo. Ta hace le ansina con todo′l maga gente quien ta cree con Cristo, cay na vista de Dios todo′l maga gente igual lang. Nuay ni uno diferente con el otro,

Roma 8:15

cay Dios nuay dale con ustedes el Espiritu Santo para queda ustedes el maga esclavo del miedo, sino ya recibi ustedes el Espiritu Santo quien ta manda con ustedes queda como el maga anak de Dios, poreso tiene kita el derecho para llama con Dios “Padre di amon!”

Galacia 3:27

Cuando ya queda ustedes bautisao por causa del di ustedes fe y obediencia con ele, el di ustedes costumbre ya queda tamen igual con el di suyo.

Efeso 6:15

Usa el deseo di ustedes para predica el Buen Noticia que ta dale paz, para sirvi como el sapatos di ustedes, para proteje con el di ustedes pies.

El Revelacion 19:8

El novia ya recibi tela fino y blanco y limpio gayot para visti.” (Este tela blanco ta representa el buen trabajo del maga creyente de Dios.)

El Revelacion 2:17

“Si quien quiere aprende, necesita oi enbuenamente si cosa el Espiritu Santo ta habla con el maga gente na maga iglesia. “Si quien ay sale victorioso contra el pecado, ay dale yo canila comida celestial y cada uno ay recibi un piedra blanco, y alli na piedra tiene nuevo nombre gravao que nuay ningunos puede sabe si cosa ese nombre, sino el que de sabe lang amo el quien ay recibi con ese.”

El Revelacion 3:18

Poreso ta conseja yo con ustedes vene aqui conmigo y compra oro verdadero para queda rico. Ese oro puro ya, cay ya pasa ya fuego. Compra tamen el vestido blanco para tapa el di ustedes verguenza de desnudo. Compra tamen aqui conmigo medicina de ojos para puede ustedes mira enbuenamente.

El Revelacion 6:11

Despues cada uno di ila ya recibi vestido blanco y ya manda canila descansa un poco tiempo hasta ay completa el numero del maga otro servidor di Cristo quien el di ila maga hermano na fe, cay estos necesita tamen muri como ya muri sila.

El Revelacion 7:9

Despues de ese ya mira yo enfrente di mio un manada de gente que nuay ningunos puede conta. Ya sale sila de todo raza, nacion, herencia, y lenguaje na mundo, y ta para sila enfrente del trono y na presencia del Cordero. Vestido sila de blanco y ta agarra sila el maga rama de palma.