Lucas 11:1 - El Nuevo Testamento

¹ Un dia si Jesus ta reza na un lugar y cuando ya acaba le reza, uno del di suyo dicipulo ya habla con ele, “Señor, enseña canamon reza como si Juan ya enseña con el di suyo maga dicipulo.”

Lucas 11:1 Iomraidhean Croise

Lucas 10:42

pero ta necesita tu una cosa lang gayot, y si Maria ya escoje para hace aquel cosa justo y nuay quien ay puede sangga con ele.”

Lucas 11:2

Ya habla si Jesus canila, “Si ay reza ustedes con Dios, habla ansina: ‘Padre Celestial, ta dale came honor con el di uste nombre sagrao, y ta roga came que uste ay vene para reina canamon.

Lucas 6:12

Durante aquel tiempo si Jesus ya anda na gulut para reza con Dios, y ya esta le alla entero noche.

Lucas 7:13

Cuando ya mira el Señor con el viuda, ya tene gayot le lastima, y ya llama le con el mujer, “Ñora, descansa ya de llorar.”

Lucas 7:19

Entonces si Juan ya llama con el dos del di suyo dicipulo y ya manda canila anda alla con el Señor para pregunta con ele, “Uste ya ba aquel Cristo quien ay vene, o necesita pa ba came espera con otro?”

Lucas 9:18

Un dia cuando si Jesus solo lang ta reza, el di suyo maga dicipulo ya atraca con ele. Ya pregunta si Jesus canila, “Quien man yo que ta pensa el maga gente?”

Lucas 9:28

Despues de maga ocho dias si Jesus ya lleva con Pedro, con Santiago y con Juan, y ya subi sila na un monte para reza.

Hebreo 5:7

Cuando si Jesucristo taqui pa na mundo, ya reza le con voz suena y con lagrimas y ya suplica con Dios quien puede salva con ele de murir. Y Dios ya oi el di suyo rezo cay si Jesucristo quiere gayot obedece el deseo de Dios.

Judas 1:20

Pero ustedes, maga estimao amigo di mio, sigui siempre hace fuerte con el di ustedes fe y devocion con Dios. Reza por medio del poder del Espiritu Santo,