Lucas 10:38 - El Nuevo Testamento

³⁸ Si Jesus pati el di suyo maga dicipulo ta camina ya na un barrio donde ta queda un mujer, su nombre si Marta. Cuando ya llega sila alla, si Marta ya recibi canila na su casa.

Lucas 10:38 Iomraidhean Croise

Lucas 10:37

Ya contesta el maestro Judio, “El quien ya tene lastima con ele.” Despues ya habla si Jesus, “Entonces anda ya uste y hace ansina.”

Lucas 10:40

Pero si Marta ya queda bien nerviosa cay amo le ta hace todo el trabajo na cosina. Poreso ya anda le con Jesus y ya habla con ele, “Señor, bueno ba gaja si el di mio hermana ta deja ya lang conmigo hace todo el trabajo? Habla dao con ele ayuda tamen conmigo.”

Lucas 10:41

Ya habla el Señor con ele, “Marta, Marta, pirmi tu ta man lingasa gayot y ta man problema acerca de este maga trabajo,

Maga Apostoles 16:15

Poreso ya queda si Lidia bautisao, pati todo aquellos quien ta queda junto con ele na su casa. Despues si Lidia ya habla canamon, “Si ustedes ta pensa que yo deverasan ta cree con el Señor, entonces ta invita yo con ustedes esta na mi casa.” Y ta insisti gayot ele hasta ya anda came.

Maga Apostoles 17:7

y este gente si Jason ya recibi canila na su casa. Ta anda sila contra con el ley di Cesar, cay ta habla sila que tiene dao otro rey, el nombre si Jesus.”

2 Juan 1:10

Ahora, si algunos ay llega na di ustedes casa y hende ta lleva el enseñanza di Cristo, no recibi con ele na casa ni habla tamen con ele, “Entra anay.”