Lucas 10:28 - El Nuevo Testamento

²⁸ Ya habla si Jesus con el maestro Judio, “Justo el di uste contestacion; entonces hace ese y ay tene tu vida eterna.”

Lucas 10:28 Iomraidhean Croise

Mateo 19:17

Ya contesta si Jesus, “Porque man tu ta pregunta conmigo acerca del cosa bueno? Uno lang quien el bueno, y si quiere tu tene vida eterna, necesita obedece el maga mandamiento de Dios.”

Marcos 12:34

Cuando ya realiza si Jesus si paquemodo de sabiondo el maestro Judio, ya habla con ele, “Ta pensa yo que cerca ya tu queda un ciudadano na Reino de Dios.” Desde aquel tiempo nuay mas ningunos quien ta atrebe hace pregunta con Jesus.

Lucas 7:43

Ya habla si Simon, “Siempre el quien tiene mas grande debe, cay ya sale le mas perdonao.” Ya habla si Jesus con ele, “Amo gayot el di uste contestacion.”

Roma 10:4

Pero ahora si Jesucristo ya remplasa con el ley, y con ele lang necesita tene fe para Dios ay considera canaton como si fuera nuay kita pecado.

Roma 3:19

Aquellos con quien Dios ya dale el ley necesita sila obedece el maga mandamiento de ese ley, y nuay ni uno di ila ay puede tene escusa por causa del di ila pecado, cay por medio de ese ley todo el maga gente ay llega entende y admiti que sila culpable na vista de Dios.

Roma 7:10

Ta pensa yo que ese ley amo gayot que ta dale vida eterna, pero ya realiza yo que ese gale mismo ley amo el que ta sentencia conmigo para muri.

Galacia 3:12

Pero si un gente ta sigui el ley di Moises, hende ele ta depende na fe. Ta habla tamen na Sagrada Escritura de Dios, “El gente quien ta obedece todo el maga mandamiento del ley di Moises, ele ay tene vida eterna por medio de esos.”