Lucas 10:27 - El Nuevo Testamento

²⁷ El maestro Judio ya contesta, “Ya lee yo que necesita kita ama con Dios el di aton Señor con todo el di aton corazon y alma y con todo el di aton fuerza. Y necesita kita ama tamen con el maga otro gente como ta ama kita el di aton mismo maga cuerpo.”

Lucas 10:27 Iomraidhean Croise

Mateo 19:19

Necesita honra con el di tuyo tata y nana, y ama con el di tuyo vecinos igual como ta ama tu contigo mismo.”

Lucas 10:26

Ya habla le con el maestro Judio, “Cosa ba escribido na ley di Moises, y cosa man uste ta entende si ta lee?”

Roma 13:9

Estos maga mandamiento de Dios “No comete imoralidad, no comete crimen, no roba, no desea cosas hende di ustedes,” y todo el maga otro mandamiento di suyo ta vene cae na un mandamiento lang y este amo: “Ama ustedes con el maga gente igual como ta ama ustedes con ustedes mismo.”

Galacia 5:13

Si para con ustedes, maga hermano, Dios ya escoje con ustedes para tene libertad para no mas necesita sigui pa ese ley di Moises. Pero no tamen usa ese libertad como escusa para sigui lang el maga mal deseo del di ustedes naturaleza humano, sino ayuda y sirvi el uno con el otro con amor.

Hebreo 8:10

Dios ta continua pa habla, “Este amo el nuevo manera que ay dale yo con el maga gente del nacion de Israel na maga dias que de vene, para puede sila tene buen relacion conmigo. Ay pone yo el di mio maga mandamiento na di ila maga pensamiento. Y como si fuera ay escribi gayot yo ese maga mandamiento na di ila maga corazon, para puede sila obedece con esos, y yo ay queda gayot el di ila Dios y sila ay queda gayot el di mio maga gente.

Santiago 2:8

Ustedes deverasan ta hace bueno si ta obedece gayot el ley mas importante, que ya escribi na Sagrada Escritura de Dios y que ta habla, “Ama con el maga otro gente igual como ta ama tu contigo mismo.”

1 Juan 3:18

Mi maga anak, no debe kita espresa el di aton amor por medio de palabra lang, sino necesita dale kita mira que el di aton amor deverasan gayot por medio del di aton trabajo.