Lucas 1:51 - El Nuevo Testamento

⁵¹ Y por medio del di suyo brazo poderoso ya hace le calayat con todo el quien tiene orgullo na di ila maga corazon.

Lucas 1:51 Iomraidhean Croise

Roma 1:21

Masquin gane sabe sila que Dios ta existi, hende sila ta respeta con ele como conviene hace, ni ta dale gracias con ele, sino ya queda nuay valor el di ila pensamiento, entonces ya queda dol oscuro el di ila entendimiento.

2 Corinto 10:5

Y con ese maga armas na di amon cargo, ta destrosa came el maga rason falso y el maga pensamiento del maga gente orgulloso contra con el revelacion que Dios ya dale na Buen Noticia. Y ta gana came canila quien ta opone con el Buen Noticia di Jesucristo. Ta causa came canila para cambia el di ila maga pensamiento malo y para obedece con Jesucristo.

1 Pedro 5:5

Ustedes tamen, maga joven, debe esta bajo mando del maga mayores, y todo ustedes maga creyente debe vivi sin orgullo para sirvi el uno con el otro. Cay ta habla na Sagrada Escritura de Dios, “Dios ta anda contra con el maga orgulloso, pero ta dale le gran favor con el maga gente nuay orgullo.”

El Revelacion 18:8

Por causa del di suyo orgullo ay llega con ele el calamidad de muerte, de tristeza, y de hambre, Un golpe lang! Y ay quema tamen con ele hasta ay man uput le na fuego, Cay todo poderoso el Señor Dios quien ta jusga con ese mujer.”