Juan 5:9 - El Nuevo Testamento

⁹ Enseguidas el gente ya queda bueno. Despues ya hace le lucut su petate y ya larga dayun. El dia ya sucede ese, dia de Sabado, aquel dia de descanso del maga Judio.

Juan 5:9 Iomraidhean Croise

Marcos 1:31

Despues ya anda le na cama del enfermo, y ya agarra le el mano del mujer, y ya hace levanta con ele. Enseguidas ya sale el calentura na di suyo cuerpo, y ya puede le dayun atende canila.

Marcos 1:42

Enseguidas ya queda bueno el leproso, y limpio ya el di suyo cuerpo.

Marcos 10:52

Y ya habla si Jesus con ele, “Aver, camina dao. Na, bueno ya tu por causa del di tuyo fe conmigo.” Despues enseguidas ya puede le mira, y ya sigui le dayun con Jesus camina.

Marcos 5:29

Despues ya trompesa le el ropa di Jesus, y enseguidas ya para el di suyo sangre, y ya sinti le que ya queda ya le bueno del di suyo enfermedad.

Juan 5:14

Despues de cuanto hora si Jesus ya encontra con el estaba enfermo na templo, y ya habla con ele, “Na, ahora bueno ya uste. No mas peca, cay si ta continua uste peca, mas peor el cosa ay pasa con uste.”

Juan 7:23

Si ta puede ustedes hace islam con el bata hombre na dia de Sabado para cumpli el ley di Moises, porque man rabiao ustedes conmigo cay ya cura yo con el gente inutil na dia de Sabado?

Juan 9:14

Ya tupa Sabado ya tamen cuando si Jesus ya mescla el polvos con su laway y ya cura el maga ojos de aquel gente.