Juan 4:32 - El Nuevo Testamento

³² Pero ya habla le canila, “Tiene yo comida que no sabe ustedes de cosa.”

Juan 4:32 Iomraidhean Croise

Juan 4:31

Mientras tanto el maga dicipulo ya suplica con Jesus, y ya habla, “Maestro, come anay.”

Juan 4:33

Despues el maga dicipulo ta man preguntajan, “Tiene gaja quien ya lleva comida con ele?”

Juan 4:34

Ya habla si Jesus canila, “El comida di mio amo el obediencia di mio para hace el querer del Dios Padre quien ya manda conmigo aqui, y para completa el trabajo que ya manda le conmigo hace.

Maga Apostoles 20:35

Por medio del di mio trabajo ta dale yo mira con ustedes que necesita ustedes trabaja gayot para puede ayuda con el quien tiene necesidad. Y ta acorda pa gayot yo, el cosa ya habla el Señor Jesucristo, que ‘mas bendicido pa el quien ta dale que con el quien ta recibi!’”

El Revelacion 2:17

“Si quien quiere aprende, necesita oi enbuenamente si cosa el Espiritu Santo ta habla con el maga gente na maga iglesia. “Si quien ay sale victorioso contra el pecado, ay dale yo canila comida celestial y cada uno ay recibi un piedra blanco, y alli na piedra tiene nuevo nombre gravao que nuay ningunos puede sabe si cosa ese nombre, sino el que de sabe lang amo el quien ay recibi con ese.”