Juan 4:31 - El Nuevo Testamento

³¹ Mientras tanto el maga dicipulo ya suplica con Jesus, y ya habla, “Maestro, come anay.”

Juan 4:31 Iomraidhean Croise

Mateo 23:7

Quiere quiere tamen sila si el maga gente ta saluda canila con respeto na maga lugar publico como na plaza y na camino, y quiere sila que el maga gente ta llama canila ‘Maestro.’

Mateo 23:8

No deja con el maga otros llama con ustedes ‘Maestro,’ cay tiene ustedes un Maestro lang na cielo, y todo ustedes como man hermano.

Mateo 26:25

Si Judas, quien ay traciona con Jesus, ya habla, “Yo ba, Señor?” Y ya habla si Jesus con ele, “El mismo gayot el cosa tu ta habla.”

Mateo 26:49

Despues ya atraca si Judas dayun con Jesus, y ya habla le, “Maestro, que tal man uste?”

Marcos 11:21

Y si Pedro ya acorda dayun, y ya habla con Jesus, “Maestro, mira uste o! El pono′y higuera que ya maldici uste ayer, ya queda gayot bien seco!”

Marcos 14:45

Despues ya atraca si Judas dayun con Jesus, y ya habla le, “Maestro!” Y ya besa le dayun con ele.

Marcos 9:5

Despues ya habla si Pedro con Jesus, “Maestro, bueno gayot cay taqui came, para puede planta tres payak, uno para di uste, uno para di Moises, y el otro para di Elias.”

Juan 1:38

Si Jesus ya bira cara y ya mira le con ese dos quien ta sigui con ele, y ya pregunta le canila, “Cosa man ustedes ta busca?” Ya contesta sila, “Rabbi, donde man uste ta queda?” (Este palabra rabbi quiere decir maestro.)

Juan 1:49

Despues ya habla dayun si Nataniel, “Maestro, uste amo el Hijo de Dios, el Rey del di aton nacion Israel.”

Juan 11:8

Ya contesta el maga dicipulo, “Na, Maestro, nuay pa gane tarda el maga lider Judio quiere guerria piedra con uste. Porque man uste quiere pa bira alla?”

Juan 3:2

Un noche ya anda le visita con Jesus, y ya habla, “Maestro, sabe came que Dios ya manda con uste aqui para enseña, cay nuay ni un gente puede hace este maga milagro que ta hace uste si hende Dios junto con ele.”

Juan 3:26

Entonces ya anda sila con Juan y ya habla, “Maestro, ta acorda ba uste con aquel gente ya man junto con uste alla na otro lao de Jordan, aquel ya habla uste canamon? Ahora, ta bautisa ya man ele y dol todo el maga gente ta anda alla con ele.”

Juan 4:30

Poreso el maga gente ya sale na ciudad para anda mira con Jesus.

Juan 4:32

Pero ya habla le canila, “Tiene yo comida que no sabe ustedes de cosa.”

Juan 6:25

Cuando ya encontra sila con Jesus na otro lao del Mar de Galilea, ya pregunta sila con ele, “Maestro, cuando lang uste ya llega aqui?”

Juan 9:2

Despues el maga dicipulo di Jesus ya pregunta con ele, “Maestro, di quien pecado ya causa para man bulak este gente? Di suyo mismo ba, o del di suyo tata y nana?”