Juan 4:18 - El Nuevo Testamento

¹⁸ Ya habla si Jesus, “Amo gayot el ta habla uste, que nuay uste marido. Cay masquin ya tene uste cinco gente como marido, y ese gente ta vivi junto con uste ahora, hende di uste marido. Ya habla uste conmigo el verdad.”

Juan 4:18 Iomraidhean Croise

Marcos 10:12

Y si el mujer ay separa con su marido y ay casa con otro gente, ta comete tamen ele adulterio contra con su marido.”

Juan 4:16

Ya habla si Jesus, “Na, anda anay llama con el di uste marido, y bira aqui ole.”

Juan 4:17

Ya contesta el mujer, “Nuay gane yo marido.”

Juan 4:19

Ya habla el mujer, “Ay Señor! Un profeta gale uste!

Roma 7:3

Entonces si este mujer ay vivi na lao de otro hombre mientras vivo pa su marido, el maga gente ay llama con ele querida de aquel hombre. Pero si ay muri ya su marido, libre ya le y masquin ay casa le con otro hombre hende le ta man contra na ley civil y hende gayot le ta comete adulterio.

Hebreo 13:4

Necesita ustedes guarda enbuenamente el matrimonio. El mujer y el marido necesita esta fiel con uno y otro, cay Dios ay castiga gayot con esos quien ta comete adulterio na di ila matrimonio y con esos quien ta peca entre maga gente hende pa casao.