Juan 2:24 - El Nuevo Testamento

²⁴ Pero si Jesus hende ta confia na di ila fe, cay bien sabe le el maga corazon del maga gente, que falta gayot confianza con ele.

Juan 2:24 Iomraidhean Croise

Mateo 9:4

Pero si Jesus ya sabe el di ila maga pensamiento, y ya habla le, “Porque man el di ustedes pensamiento malo?

Marcos 2:8

Pero si Jesus ya puede dayun sabe si cosa sila ta pensa,

Juan 1:42

Despues si Andres ya lleva con Simon alla con Jesus. Si Jesus ya mira gayot con Simon, y ya habla, “Tu gale si Simon, el anak di Juan, pero desde ahora el nombre di tuyo si Cefas ya.” Este nombre Cefas igual con el nombre Pedro que quiere decir piedra.

Juan 16:30

Ahora sabe gayot came que uste ta entende gayot masquin cosa tiene na maga pensamiento del maga gente, y no necesita uste espera hasta el gente ay hace con uste pregunta, cay sabe uste todo. Poreso ta cree gayot came que ya sale uste con Dios.”

Juan 21:17

Despues por el tercer vez si Jesus ya habla con ele, “Simon, hijo di Juan, ta ama ba tu conmigo?” Ya queda si Pedro bien triste, cay ya pregunta si Jesus por el tercera vez si ta ama ba con ele. Entonces si Pedro ya habla con Jesus, “Señor, sabe gayot uste todo las cosas na di mio corazon, y sabe uste que ta ama gayot yo con uste!” Despues ya habla otra vez si Jesus, “Dale come con el di mio maga carnero.

Juan 4:16

Ya habla si Jesus, “Na, anda anay llama con el di uste marido, y bira aqui ole.”

Juan 5:42

Pero sabe yo el di ustedes pensamiento que nuay ustedes amor con Dios na di ustedes corazon.

Juan 6:15

Ya realiza si Jesus que esos maga gente quiere saca con ele para esforsa con ele queda rey, poreso ya camina le solo solo para alla na monte.

Juan 6:64

Pero tiene di ustedes aqui quien hende ta cree conmigo.” Ya habla si Jesus ansina cay sabe ya le desde el principio del di suyo trabajo aquellos quien hende ay cree y el quien tamen ay traiciona con ele.

Maga Apostoles 1:24

Despues ya reza sila, “Señor, sabe gayot uste el maga pensamiento de todo el maga gente, entonces dale mira canamon si donde de estos dos ya escoje uste

Maga Apostoles 15:8

Dios sabe tamen si cosa ta sinti el corazon de todo el maga gente y ya dale le mira que ta accepta le con el maga hende-Judio, cay ya dale tamen ele canila el poder del Espiritu Santo igual como ya dale le canaton.

Hebreo 4:13

Nuay ni un cosa creao ta puede queda escondido con Dios. Todo las cosas como bien abierto na su vista, y Dios bien claro gayot mira. Y ay llega el tiempo que debe kita dale cuenta con ele de todo el maga cosas que ya hace kita.

El Revelacion 2:23

Ay mata yo con el di suyo maga anak, y todo el maga gente na maga iglesia ay sabe que yo amo el quien sabe el maga secreto del pensamiento y corazon de todo el maga gente. Ay paga yo cada uno di ustedes acorde con el maga cosas que ustedes ya hace.