Juan 19:14 - El Nuevo Testamento

¹⁴ Aquel dia amo el dia ta prepara sila para el Celebracion del Passover, y ese hora tiene como maga medio dia ya. Despues si Pilato ya habla con el maga lider Judio, “Taqui ya el rey di ustedes.”

Juan 19:14 Iomraidhean Croise

Mateo 27:45

Cuando ya llega el medio dia, ya queda gayot oscuro entero lugar, hasta alas tres del tarde.

Mateo 27:62

Despues del dia de preparacion, quiere decir dia de Sabado, el maga jefe del maga padre Judio y el maga Pariseo ya ajunta na presencia di Pilato.

Marcos 15:25

Ya crucifica sila con Jesus como maga alas nueve ya del dia.

Marcos 15:42

Tiene alla un gente el nombre si Jose de Arimatea, un miembro bien respetao del Consejo del maga Judio. Ele tamen ta espera el tiempo para llega el Reino de Dios. Aquel dia cuando ya muri si Jesus amo el visperas del dia de descanso del maga Judio, donde ta prepara sila para di ila celebracion. Este gente si Jose ya tene animo y ya anda con Pilato para pidi el cuerpo di Jesus.

Lucas 23:44

Ahora maga alas doce del medio dia ya queda oscuro entero lugar hasta el hora de alas tres del tarde, cay el sol ya apaga.

Lucas 23:54

Ya llega el dia de Viernes que ta llama el dia de preparacion para el venida del Sabado. (Para con el maga Judio, el Sabado ta principia si ta sumi el sol Viernes tarde.)

Juan 19:3

Despues ta sigui sila ganguia con ele y ta atraca saluda, hablando, “Saludos con uste, Rey del maga Judio!” Y ta palmadia tamen sila con ele.

Juan 19:42

Ya pone sila con el muerto adentro de aquel tumba, cay cerca lang ese alla. Necesita sila apura, cay ese dia amo el dia de preparacion del maga Judio para el dia de Sabado.

Juan 19:5

Despues si Jesus ya anda tamen afuera, y vestido pa le de ropa purpura y tiene pa tamen el corona de tunuk na su cabeza. Y ya habla si Pilato con el maga gente, “Na, mira ustedes! Taqui ya el Hombre!”