Juan 16:24 - El Nuevo Testamento

²⁴ Hasta ahora nuay pa gayot ustedes pidi ni nada na mi nombre, pero ahora pidi con Dios y ay recibi gayot ustedes, para el di ustedes alegria ay queda bien completo.

Juan 16:24 Iomraidhean Croise

Mateo 6:9

Entonces, reza ustedes ansina: ‘Di amon Padre na cielo, ta dale came honor con el di uste nombre sagrao,

Juan 14:1

Ta continua habla si Jesus con su maga dicipulo, “No ustedes man lingasa de nada, sino tene fe con Dios y tene tamen fe conmigo.

Juan 14:14

Masquin cosa ustedes ay pidi na di mio nombre, ay hace yo ese.

Juan 15:11

“Ta habla yo este antes de salir yo para ay tene ustedes alegria igual con el di mio, y para el di ustedes alegria ay queda completo.

Juan 16:23

“Al llegar aquel tiempo hende na ustedes ay pidi ni nada conmigo. Ta habla gayot yo claro si ay pidi ustedes masquin cosa con el di mio Padre, ay dale le con ustedes si ta lleva mi nombre.

Juan 3:29

Ay dale yo con ustedes un ejemplo. El novia amo para del novio. Y el amigo del novio talla lang cerca con ele para puede oi si cosa le ay habla. Y cuando ta oi le el voz del novio, bien alegre gayot ele. Ansina tamen yo ta alegra, y ahora bien completo el di mio alegria.

2 Tesalonica 1:2

Ojala que el Dios Padre y el Señor Jesucristo ay dale con ustedes el di ila gran favor y paz.

2 Juan 1:12

Tiene pa era yo mucho que ay habla con ustedes, pero hende na lang yo ay escribi aqui na carta, sino ta espera ya lang yo hasta ay puede yo visita con ustedes alli para ay man cuento kita cara cara gayot, y para queda kita bien alegre.