Juan 14:15 - El Nuevo Testamento

¹⁵ “Si ta ama ustedes conmigo, ay obedece gayot ustedes todo el di mio maga mandamiento,

Juan 14:15 Iomraidhean Croise

Mateo 10:37

“Si quien ta ama con su tata y nana mas que conmigo, hende merece para sigui conmigo, y si quien ta ama con su maga anak mas que conmigo hende merece para queda di mio maga siguidores.

Juan 8:42

Ya habla si Jesus canila, “Si el Dios el di ustedes Padre gayot, asegurao ay ama gayot ustedes conmigo, cay ya sale yo alla con Dios. Ahora, taqui ya yo entre el maga gente, y nuay man yo vene aqui del di mio querer lang sino ele gayot amo el quien ya manda conmigo vene aqui.

1 Corinto 16:22

Si quien nuay amor para con el Señor, el maldicion de Dios ay cae con ele! El di aton Señor ay vene ya ole!

Galacia 5:6

Y si unido kita con Jesucristo, hende ta vale nada si ya hace islam canaton o nuay. El unico cosa de valor amo el fe con Jesucristo, y ese fe ta trabaja na di aton vida por medio de amor.

Efeso 6:24

Y ojala que el gran favor de Dios ay queda con todo el maga gente quien ta ama con el di aton Señor Jesucristo con amor que nunca ta cambia.

1 Pedro 1:8

Ustedes ta ama con Jesucristo masquin nuay pa gayot ustedes mira con ele hasta ahora. Y ta cree y ta obedece ustedes con ele masquin nuay pa ustedes mira con ele. Bien alegre gayot ustedes, y ese alegria no puede expresa con maga palabra,

2 Juan 1:6

Puede kita sabe que tiene amor na di aton corazon si ta obedece kita el maga mandamiento de Dios. Y este mandamiento de amor amo ya man que ya oi ustedes desde el principio pa, y necesita ustedes continua ama con otros.