Juan 13:33 - El Nuevo Testamento

³³ Ustedes con quien ta ama gayot yo como di mio maga anak, hende mas yo tarda man junto con ustedes. Despues ustedes ay busca gayot conmigo y ahora ta habla yo igual como ya habla yo con el maga lider Judio, que donde yo ay anda no puede ustedes anda.

Juan 13:33 Iomraidhean Croise

Juan 13:36

Despues si Simon Pedro ya pregunta con Jesus, “Señor, donde uste ay anda?” Ya contesta si Jesus, “No puede tu sigui donde yo ahora ay anda, pero despues ya de cuanto tiempo ay puede ya tu sigui.”

Juan 14:19

Hende tarda el maga gente nuay fe conmigo hende na ay mira conmigo, pero ustedes ay puede pa mira conmigo, cay yo ay queda ole vivo y ustedes tamen ay tene vida eterna.

Juan 14:2

Na lugar donde ta esta di mio Padre Celestial, tiene gayot mucho lugar para esta. Ay anda yo alla para prepara maga lugar para di ustedes. Si hende este verdad, nuay mas era yo habla con ustedes.

Juan 7:36

Ta habla man ele que ay busca kita con ele pero hende ay encontra, y no puede kita sigui donde le ay anda. Cosa ba gaja aquel quiere decir di suyo maga palabra?”

Galacia 4:19

Ay, mi maga anak! Ta sufri gayot yo por causa di ustedes, dol dolor de parto, hasta el naturaleza di Jesucristo ay queda formao dentro di ustedes, para tene buen costumbre.

1 Juan 2:1

Ustedes con quien ta ama yo como el di mio maga anak, ta escribi yo con ustedes este carta para ay evita ustedes masquin cosa clase de pecado. Pero si algunos ya comete pecado, tiene kita el representante quien ta suplica con el Dios Padre para canaton, y ele amo si Jesucristo, quien bien justo.

1 Juan 4:4

Mi maga anak, ustedes el maga anak ya de Dios y ya gana ya ustedes victoria contra con el maga profeta falso, cay el Espiritu Santo quien ta vivi ya na di ustedes corazon, mas mafuerza pa que con Satanas, quien ta controla el maga vida del maga gente aqui na mundo quien hende ta tene fe con Jesucristo.

1 Juan 5:21

Mi maga anak, tene cuidao y guarda con ustedes mismo contra aquel maga cosas que ay puede saca el lugar de Dios na di ustedes maga corazon, por ejemplo el maga idolo y el maga enseñanza hende verdad.